ನನ್ನ ಬೆಸ್ಟ್ ಟೀಚರ್ : ಸಂಚಿಕೆ - 01: ಜಗಲಿಯ ವಿದ್ಯಾರ್ಥಿಗಳ ಬರಹಗಳು
Friday, September 4, 2026
Edit
ಸೆಪ್ಟೆಂಬರ್ - 5 : ಶಿಕ್ಷಕರ ದಿನಾಚರಣೆ - 2026
ಜಗಲಿಯ ವಿದ್ಯಾರ್ಥಿಗಳ ಬರಹಗಳು
ಬರಹಗಾರರು :
◾ಹಿತಾಶ್ರೀ ಪಿ, ಪ್ರಥಮ ಪಿಯುಸಿ
◾ಸಾತ್ವಿಕ್ ಗಣೇಶ್ , ದ್ವಿತೀಯ ಪಿಯುಸಿ
◾ದಿಯಾ ಶೆಟ್ಟಿ ಮೂಲ್ಕಿ , 8ನೇ ತರಗತಿ
◾ಸಾನಿಧ್ಯ , 7ನೇ ತರಗತಿ
◾ಪ್ರಣಾವಿ, 8ನೇ ತರಗತಿ
◾ತೃಪ್ತಿ , 10 ನೇ ತರಗತಿ
◾ಶಾಹಿನ ಭಾನು, 9ನೇ ತರಗತಿ
◾ಇಶಿಕ. ಟಿ , 4ನೇ ತರಗತಿ
◾ಐಶ್ವರ್ಯ , ಜಿ ಪಿ ಯು ಸಿ ತೆಕ್ಕಟ್ಟೆ
◾ಸಿಂಚನಾ, 9ನೇ ತರಗತಿ
ಒಬ್ಬ ಉತ್ತಮ ಶಿಕ್ಷಕರು ವಿದ್ಯಾರ್ಥಿಗಳ ಜೀವನವನ್ನು ಬದಲಾಯಿಸಬಲ್ಲರು ಎಂಬುದಕ್ಕೆ ನಮ್ಮ ಮದನ್ ಮೋಹನ್ ಸರ್ ಅವರೇ ಉತ್ತಮ ಉದಾಹರಣೆ. ಅವರು ನಮ್ಮೊಳಗಿನ ಸಾಮರ್ಥ್ಯವನ್ನು ಗುರುತಿಸಿ, ನಮ್ಮ ಕನಸುಗಳಿಗೆ ಧೈರ್ಯ ಮತ್ತು ಪ್ರೇರಣೆಯನ್ನು ನೀಡುತ್ತಾರೆ. ನಾವು ಗೆದ್ದಾಗ ಸಂತೋಷಪಡುವುದಷ್ಟೇ ಅಲ್ಲ, ಸೋತಾಗಲೂ ಧೈರ್ಯ ತುಂಬಿ ಮತ್ತೆ ಪ್ರಯತ್ನಿಸಲು ಪ್ರೋತ್ಸಾಹಿಸುತ್ತಾರೆ.
ನಮ್ಮ ಯಶಸ್ಸಿನಲ್ಲಿ ನಮ್ಮ ಹೆಸರು ಕಾಣಿಸಿಕೊಳ್ಳಬಹುದು, ಆದರೆ ಆ ಯಶಸ್ಸಿನ ಹಿಂದೆ ಮೌನವಾಗಿ ನಿಂತಿರುವ ಶಿಕ್ಷಕರ ಪರಿಶ್ರಮ ಮತ್ತು ಮಾರ್ಗದರ್ಶನವನ್ನು ಎಂದಿಗೂ ಮರೆಯಲು ಸಾಧ್ಯವಿಲ್ಲ.
ನನ್ನ ನೆಚ್ಚಿನ ಶಿಕ್ಷಕರಾದ ಮದನ್ ಮೋಹನ್ ಸರ್ ಅವರಿಂದ ಕಲಿತ ಪಾಠಗಳು ಕೇವಲ ಪರೀಕ್ಷೆಗೆ ಮಾತ್ರವಲ್ಲ, ಜೀವನ ಪೂರ್ತಿ ನನ್ನೊಂದಿಗೆ ಇರುತ್ತವೆ. ಶಿಕ್ಷಕರು ಎಂದರೆ ಜ್ಞಾನದ ಬೆಳಕನ್ನು ನೀಡುವ ದಾರಿದೀಪಗಳು ಎಂದು ಹೇಳುತ್ತಾರೆ. ನನ್ನ ಜೀವನದಲ್ಲಿ ಆ ದಾರಿಯನ್ನು ಬೆಳಗಿಸುವ ದಾರಿದೀಪಗಳಲ್ಲಿ ಮದನ್ ಮೋಹನ್ ಸರ್ ಅವರಿಗೆ ವಿಶೇಷ ಸ್ಥಾನವಿದೆ. ನನ್ನಂತಹ ಅನೇಕ ವಿದ್ಯಾರ್ಥಿಗಳ ಜೀವನದಲ್ಲಿ ಜ್ಞಾನದ ಬೆಳಕು ಮೂಡಿಸುತ್ತಿರುವ ನನ್ನ ಪ್ರೀತಿಯ ಮದನ್ ಮೋಹನ್ ಸರ್ ಅವರಿಗೆ ನನ್ನ ಹೃದಯಪೂರ್ವಕ ಗೌರವ ಮತ್ತು ಧನ್ಯವಾದಗಳು.
ಪ್ರಥಮ ಪಿಯುಸಿ
ಪಕಳ ಕುಂಜ ಮಾಣಿಲ
ಬಂಟ್ವಾಳ ತಾಲ್ಲೂಕು ದಕ್ಷಿಣ ಕನ್ನಡ ಜಿಲ್ಲೆ
**************************************
ಈ ದಿನದಂದು ಶಾಲಾಕಾಲೇಜುಗಳಲ್ಲಿ ವಿದ್ಯಾರ್ಥಿಗಳು ತಮ್ಮ ಮೆಚ್ಚಿನ ಶಿಕ್ಷಕರಿಗೆ ಶುಭಾಶಯ ಹೇಳುತ್ತಾರೆ ಮತ್ತು ಉಡುಗರೆ ನೀಡಿ ಗೌರವಿಸುತ್ತಾರೆ. ಅವರು ಕೇವಲ ಅಕ್ಷರ ಕಲಿಸುವುದು ಮಾತ್ರವಲ್ಲದೆ ವಿದ್ಯಾರ್ಥಿಗಳಲ್ಲಿ ಅಡಗಿರುವ ಪ್ರತಿಭೆಗಳನ್ನು ಗುರುತಿಸಿ ಅದನ್ನು ಬೆಳಗಿಸುವ ದಿವ್ಯಶಕ್ತಿಯಾಗಿದ್ದಾರೆ.
ನಮಗೆ ಜ್ಞಾನದ ಹಾದಿ ತೋರಿಸಿದ ನಮ್ಮ ಎಲ್ಲಾ ಗುರುಗಳಿಗೆ ಕೃತಜ್ಞತೆ ಸಲ್ಲಿಸುವುದು ಮತ್ತು ಅವರ ಮಾರ್ಗದರ್ಶನದಲ್ಲಿ ನಡೆಯುವುದು ನಮ್ಮ ಕರ್ತವ್ಯವಾಗಿದೆ.
ನನಗೆ ವಿದ್ಯೆಯನ್ನು ಕಲಿಸಿದ ಎಲ್ಲಾ ಶಿಕ್ಷಕರು ನನಗೆ ಅಚ್ಚು ಮೆಚ್ಚಿನವರೇ ಆಗಿರುವರು. ನನ್ನ ಎಲ್ಲಾ ಪ್ರೀತಿಯ ಗುರುಗಳಿಗೆ ಶಿಕ್ಷಕ ದಿನಾಚರಣೆಯ ಶುಭಾಶಯಗಳು.
ಎಕ್ಸೆಲ್ ಪದವಿ ಪೂರ್ವ ಕಾಲೇಜು ಗುರುವಾಯನಕೆರೆ
ಬೆಳ್ತಂಗಡಿ ತಾಲೂಕು, ದಕ್ಷಿಣ ಕನ್ನಡ ಜಿಲ್ಲೆ
**************************************
ಶಾಲಾ ಶಿಕ್ಷಕರಲ್ಲದೆ ನನಗೆ ಚಿತ್ರಕಲೆಯನ್ನು ಆನ್ಲೈನ್ ನಲ್ಲಿ ಕಲಿಸಿದ ಡ್ರಾಯಿಂಗ್ ಸರ್, ಉತ್ತಮವಾಗಿ ಯಕ್ಷಗಾನದ ನೃತ್ಯದ ಪಾಠ ಹೇಳಿಕೊಟ್ಟ ಮೇಡಂ, ಹಾಗೆಯೇ ಒಬ್ಬಳನ್ನೇ ಕುಳ್ಳಿರಿಸಿ ಸಂಗೀತದ ಪಾಠ ಹೇಳಿಕೊಟ್ಟ ಮೇಡಂ, ಅಬಾಕಸ್ ಕಲಿಸಿದ ಮೇಡಂ, ಹಾಗೂ ನನಗೆ ಈಗಲೂ ರ್ಯಾಂಪ್ ಮೇಲೆ ನಡೆಯುವ ವಿಧಾನವನ್ನು, ವೇದಿಕೆಯಲ್ಲಿ ಮಾತನಾಡುವ ಶೈಲಿಯನ್ನು ಮತ್ತು ಧೈರ್ಯವನ್ನು ತುಂಬಿಕೊಟ್ಟ ಪಾತ್ವೇ ಮಾಡಲಿಂಗ್ ಇನ್ಸ್ಟಿಟ್ಯೂಟ್ನ ಗುರುಗಳು ಎಲ್ಲರಿಂದಲೂ ನಾನು ಕಲಿತ ಜ್ಞಾನ ಅಪಾರ. ಇಷ್ಟು ಮಾತ್ರವಲ್ಲ ಬದುಕಿನಲ್ಲಿ ಕಲಿಯುವುದು ಇನ್ನೂ ಇದೆ.
8ನೇ ತರಗತಿ
ಶ್ರೀ ವ್ಯಾಸ ಮಹರ್ಷಿ ವಿದ್ಯಾಪೀಠ ಕಿಲ್ಪಾಡಿ
ಮುಲ್ಕಿ, ದಕ್ಷಿಣ ಕನ್ನಡ ಜಿಲ್ಲೆ
**************************************
7ನೇ ತರಗತಿ
ಮರಿಯo ನಿಕೇತನ್ ಆಂಗ್ಲ ಮಾಧ್ಯಮ ಶಾಲೆ
ಬೆಳೆವಾಯಿ, ಕಾರ್ಕಳ ಉಡುಪಿ ಜಿಲ್ಲೆ
**************************************
ವೀಣಾ ಟೀಚರ್ ಅವರು ಅತ್ಯಂತ ಸರಳ, ಶಿಸ್ತುಬದ್ಧ ದಯಾಮಯಿ ಸ್ವಭಾವದವರಾಗಿದ್ದಾರೆ. ಅವರು ಯಾವಾಗಲೂ ಮುಗುಳ್ನಗೆಯಿಂದ ತರಗತಿಯನ್ನು ಪ್ರವೇಶಿಸುತ್ತಾರೆ. ಅವರು ಕೇವಲ ಪಠ್ಯಪುಸ್ತಕದ ಪಾಠಗಳನ್ನಷ್ಟೇ ಮಾಡದೆ, ಜೀವನದಲ್ಲಿ ಶಿಸ್ತು ಸಮಯ ಪ್ರಜ್ಞೆ ಒಳ್ಳೆಯ ನಡತೆಯ ಮಹತ್ವವನ್ನು ನಮಗೆ ತಿಳಿಸಿಕೊಡುತ್ತಾರೆ. ಯಾವುದೇ ವಿದ್ಯಾರ್ಥಿ ತಪ್ಪು ಮಾಡಿದರೆ ಕೋಪಗೊಳ್ಳದೆ, ಪ್ರೀತಿಯಿಂದ ತಿದ್ದಿ ಬುದ್ದಿ ಹೇಳುತ್ತಾರೆ. ಅವರ ಬೋಧನಾ ಶೈಲಿ ಅತ್ಯಂತ ಆಕರ್ಷಕವಾಗಿದೆ. ಕಷ್ಟದ ವಿಷಯಗಳನ್ನು ಸಹಕಥೆಗಳು, ಉದಾಹರಣೆಗಳು ಮತ್ತು ಸುಲಭವಾದ ಮಾರ್ಗಗಳ ಮೂಲಕ ನಮಗೆ ಅರ್ಥವಾಗುವಂತೆ ವಿವರಿಸುತ್ತಾರೆ. ಇತಿಹಾಸದ ಪಾಠಗಳನ್ನು ಮಾಡುವಾಗ ನಾವು ಅದೇ ಕಾಲಕ್ಕೆ ಹೋಗಿದ್ದೇವೇನೋ ಎನ್ನುವಂತೆ ಜೀವಂತವಾಗಿ ವಿವರಿಸುತ್ತಾರೆ. ಅವರು ತರಗತಿಯಲ್ಲಿ ಎಲ್ಲಾ ವಿದ್ಯಾರ್ಥಿಗಳನ್ನು ಸಮಾನವಾಗಿ ಕಾಣುತ್ತಾರೆ. ಕಲಿಕೆಯಲ್ಲಿ ಹಿಂದುಳಿದ ವಿದ್ಯಾರ್ಥಿಗಳಿಗೆ ವಿಶೇಷ ಗಮನ ನೀಡಿ ಪ್ರೋತ್ಸಾಹಿಸುತ್ತಾರೆ. ವೀಣಾ ಟೀಚರ್ ಕೇವಲ ಪಾಠಕ್ಕೆ ಮಾತ್ರ ಸೀಮಿತ ವಾಗಿರದೆ , ಕ್ರೀಡೆ, ಭಾಷಣ, ಹಾಡು ಕವನ, ಕವಿತೆ, ಕಥೆ, ಪ್ರಬಂಧ ಸ್ಪರ್ಧೆ ಮತ್ತು ಸಾಂಸ್ಕೃತಿಕ ಚಟುವಟಿಕೆಗಳಲ್ಲಿ ನಾವು ಭಾಗವಹಿಸುವಂತೆ ಸದಾ ನಮ್ಮನ್ನು ಪ್ರೋತ್ಸಾಹ ನೀಡುತ್ತಾರೆ. ನಮ್ಮಲ್ಲಿರುವ ಸುಪ್ತ ಪ್ರತಿಭೆಯನ್ನು ಗುರುತಿಸಿ ಅದನ್ನು ಪ್ರೋತ್ಸಾಹಿಸುವ ಉತ್ತಮ ಮಾರ್ಗದರ್ಶಕರಾಗಿದ್ದಾರೆ. ಅವರ ಈ ಎಲ್ಲಾ ಗುಣಗಳಿಂದಾಗಿ ಅವರು ಇಡೀ ಶಾಲೆಗೆ ಪ್ರೀತಿ ಪಾತ್ರರಾಗಿದ್ದಾರೆ. ಒಬ್ಬ ಉತ್ತಮ ಶಿಕ್ಷಕಿ ವಿದ್ಯಾರ್ಥಿಯ ಭವಿಷ್ಯದ ಶಿಲ್ಪಿ. ವೀಣಾ ಟೀಚರ್ ಅವರ ಆದರ್ಶ ಗುಣಗಳು, ಶಿಸ್ತು ಮತ್ತು ವಿದ್ಯಾರ್ಥಿಗಳ ಮೇಲಿನ ಪ್ರೀತಿ ನನ್ನ ಜೀವನದ ಮೇಲೂ ಅಪಾರ ಪ್ರಭಾವ ಬೀರಿದೆ. ಅವರ ಮಾರ್ಗದರ್ಶನದಲ್ಲಿ ಕಲಿಯುತ್ತಿರುವುದು ನನ್ನ ಸೌಭಾಗ್ಯ ಎಂದು ಭಾವಿಸುತ್ತೇನೆ. ಇಂತಹ ಮಹಾನ್ ಶಿಕ್ಷಕರು ದೇಶದ ಪ್ರತಿಯೊಬ್ಬ ವಿದ್ಯಾರ್ಥಿಗಳಿಗೂ ಸಿಗುವಂತಾಗಲಿ....
8 ನೇ ತರಗತಿ.
ಸ.ಪ.ಪೂ.ಕಾಲೇಜು (ಪ್ರೌಢ ವಿಭಾಗ)
ಸವಣೂರು, ಪುತ್ತೂರು ತಾಲೂಕು, ದ.ಕ.ಜಿಲ್ಲೆ
**************************************
"ಮನೆಯೇ ಮೊದಲ ಪಾಠಶಾಲೆ ಜನನಿ ತಾನೇ ಮೊದಲ ಗುರು!!" ನನ್ನ ಅಮ್ಮ ನೇ ನನಗೆ ಮೊದಲ ಪ್ರೀತಿಯ "TEACHER". ಹಾಗೆಯೇ ನನ್ನ ಪ್ರಾಥಮಿಕ ಶಾಲೆಯ ಪ್ರೀತಿಯ ಇಷ್ಟದ ಮಾತಾಜಿ ಗಳಾದ ರಾಜೇಶ್ವರೀ ಮಾತಾಜಿ ಅನ್ನಪೂರ್ಣ ಮಾತಾಜಿ ಹಾಗೂ ಪ್ರೌಢ ಶಾಲೆಯ ಚೈತ್ರ ಮಾತಾಜಿ, ಸೌಮ್ಯ ಮಾತಾಜಿ ಇವರಿಗೂ ಶಿಕ್ಷಕರ ದಿನಾಚರಣೆಯ ಮನದಾಳದ ಶುಭಾಶಯಗಳು...
ಕೇವಲ ತರಗತಿಯಲ್ಲಿ ಪಾಠ ಮಾಡುವ ಬೋಧಕರಾಗದೆ ಪ್ರತಿಯೊಂದು ಹೆಜ್ಜೆಯಲ್ಲಿ ಸೂಕ್ತ ಮಾರ್ಗದರ್ಶನ ನೀಡುವ ದಾರಿದೀಪವಾಗಿದ್ದೀರಿ. ವಿಷಯ ಎಷ್ಟು ಕಠಿಣವಾಗಿದ್ದರೂ ಅದನ್ನು ಅತ್ಯಂತ ಸರಳವಾಗಿ ಮತ್ತು ಸ್ವಾರಸ್ಯಕರವಾಗಿ ಅರ್ಥೈಸುವ ಕಲೆ ನಿಮ್ಮಲ್ಲಿದೆ. ನಿಮ್ಮ ತರಗತಿಯಲ್ಲಿ ಕುಳಿತುಕೊಳ್ಳುವುದೇ ಒಂದು ಸುಂದರ ಅನುಭವ.
ತರಗತಿಯಲ್ಲಿ ನೀವು ಎಲ್ಲರ ನಡುವೆ ನನ್ನ ಹೆಸರು ಕರೆದಾಗ ನನ್ನ ಹೃದಯ ಬಡಿತ ನನಗೆ ಕೇಳಿಸುವಷ್ಟು ಜೋರಾಗಿತ್ತು. ನನ್ನ ತಪ್ಪುಗಳನ್ನು ತಿದ್ದುವಾಗ ನಿಮ್ಮ ಧ್ವನಿಯಲ್ಲಿದ್ದ ಆ ಪ್ರೀತಿ ಮತ್ತು ಕಾಳಜಿ ಅಮ್ಮನ ಮಮತೆಯಂತೇ. ಗುರುವಾಗಿ ನೀವು ನೀಡಿದ ಬೆಳಕು, ಪ್ರೀತಿಯಾಗಿ ನನ್ನ ಎದೆಯೊಳಗೆ ಸದಾ ಜೀವಂತ ವಾಗಿರುತ್ತದೆ. ನಾನು ಎಷ್ಟೇ ಬೆಳೆದರೂ ನಿಮ್ಮ ಪಾದಗಳಿಗೆ ನಮಿಸುವ ಆ ಕ್ಷಣವೇ ನನಗೆ ಅತ್ಯಂತ ಪವಿತ್ರವಾದದ್ದು.
𝗕𝗘𝗦𝗧 𝗧𝗘𝗔𝗖𝗛𝗘𝗥 ಅವರಷ್ಟೇ ಅಲ್ಲ ಶಾಲೆಯ ಎಲ್ಲಾ ಅಧ್ಯಾಪಕರೂ "𝗯𝗲𝘀𝘁 𝘁𝗲𝗮𝗰𝗵𝗲𝗿"ಗಳೇ.. ನನ್ನ ಜೀವನವನ್ನು ಸುಂದರ ಗೊಳಿಸಿದ ನನ್ನ ಪ್ರೀತಿಯ ಎಲ್ಲ ಮಾತಾಜಿಗಳಿಗೆ ಶ್ರೀಮಾನ್ ರವರಿಗೆ ನನ್ನ ಹೃದಯಾಂತರಾಳದ ಪ್ರಣಾಮಗಳು..
10 ನೇ ತರಗತಿ
ಶ್ರೀ ರಾಮ ಪ್ರೌಢ ಶಾಲೆ, ಕಲ್ಲಡ್ಕ
ಬಂಟ್ವಾಳ ತಾಲೂಕು, ದಕ್ಷಿಣ ಕನ್ನಡ ಜಿಲ್ಲೆ
**************************************
ಶರತ್ ಸರ್ ಸೈನ್ಸ್ ಪಾಠವನ್ನು ಪುಸ್ತಕದಂತೆ ಅಲ್ಲ ಪ್ರಯೋಗದಂತೆ, ಕಥೆಯಂತೆ ಹೇಳಿಕೊಡುತ್ತಾರೆ ಅವರ ಕ್ಲಾಸ್ ಅಂದರೆ ಬೋರ್ ಆಗಲ್ಲ. ನಮಗೆ ಅರ್ಥವಾಗುವವರೆಗೂ ತಾಳ್ಮೆಯಿಂದ ಹೇಳಿಕೊಡುತ್ತಾರೆ. ಕೇವಲ ಸೈನ್ಸ್ ಅಲ್ಲ ಜೀವನದಲ್ಲಿ ಹೇಗೆ ಯೋಚಿಸಬೇಕು ಹೇಗೆ ಪ್ರಶ್ನಿಸಬೇಕು ಎಂದು ಕಳಿಸಿದ್ದಾರೆ. ಎಲ್ಲಾ ಶಿಕ್ಷಕರಿಗೆ ಪ್ರೀತಿಯ ಶುಭಾಶಯಗಳು.
9ನೇ ತರಗತಿ
ಸರಕಾರಿ ಫ್ರೌಡ ಶಾಲೆ ನಾರ್ಶ ಮೈದಾನ
ಬಂಟ್ವಾಳ ತಾಲೂಕು, ದಕ್ಷಿಣ ಕನ್ನಡ ಜಿಲ್ಲೆ
**************************************
ಹಾಗೂ ನನ್ನ ಜೀವನಕ್ಕೆ ಜ್ಞಾನ, ಸಂಸ್ಕಾರ ಮತ್ತು ಉತ್ತಮ ದಾರಿಯನ್ನು ತೋರಿಸುವ ಎಲ್ಲಾ ಗೌರವಾನ್ವಿತ ಗುರುಗಳಿಗೆ ಶಿಕ್ಷಕರ ದಿನಾಚರಣೆಯ ಹಾರ್ಧಿಕ ಶುಭಾಶಯಗಳು. ನಮಗೆ ಪ್ರೀತಿಯಿಂದ ಕಲಿಸಿ, ತಪ್ಪುಗಳನ್ನು ತಿದ್ದಿ, ಮುಂದೆ ಸಾಗಲು ಪ್ರೋತ್ಸಾಹಿಸುವ ಪ್ರತಿಯೊಬ್ಬ ಗುರುಗಳಿಗೂ ಹೃತ್ಪೂರ್ವಕ ಧನ್ಯವಾದಗಳು. ಎಲ್ಲಾ ಗುರುಗಳಿಗೂ ಶಿಕ್ಷಕರ ದಿನಾಚರಣೆಯ ಶುಭಾಶಯಗಳು.
4ನೇ ತರಗತಿ ಕೆ ಪಿ ಎಸ್ ಬೆಳ್ಳಾರೆ
D/o ಮುರಳಿಕೃಷ್ಣ. ಟಿ
ತಡಗಜೆ, ಬೆಳ್ಳಾರೆ
ಸುಳ್ಯ ತಾಲೂಕು, ದಕ್ಷಿಣ ಕನ್ನಡ ಜಿಲ್ಲೆ
**************************************
ಜಿ ಪಿ ಯು ಸಿ ತೆಕ್ಕಟ್ಟೆ
ಪೂಜಾರಿ ಬೆಟ್ಟು ಕುಂಭಾಶಿ
ಉಡುಪಿ ಜಿಲ್ಲೆ
**************************************
ಕಳೆದ ಎರಡು ವರ್ಷಗಳಿಂದ ನನ್ನ ತರಗತಿ ಶಿಕ್ಷಕರಾಗಿದ್ದಾರೆ. ಇವರು ನನಗೆ ಎಂಟನೇ ತರಗತಿಯಲ್ಲಿ ಗಣಿತ ಪಾಠವನ್ನು ಮಾಡುತ್ತಿದ್ದರು. ಈಗ ಒಂಬತ್ತನೇ ತರಗತಿಯಲ್ಲಿ ಗಣಿತ ಮತ್ತು ವಿಜ್ಞಾನ ಪಾಠವನ್ನು ಮಾಡುತ್ತಿದ್ದಾರೆ. ತುಂಬಾ ಚೆನ್ನಾಗಿ ಪಾಠ ಮಾಡುತ್ತಾರೆ. ಇವರು ಹತ್ತನೇ ತರಗತಿಯಲ್ಲಿ ನಮಗೆ ತರಗತಿ ಶಿಕ್ಷಕರಾಗಿ ಬರಲಿ ಎಂದು ನಮ್ಮ ಆಸೆ. ಗೊತ್ತಿಲ್ಲದ ವಿಷಯವನ್ನು ಚೆನ್ನಾಗಿ ಅರ್ಥ ಮಾಡಿಸುತ್ತಾರೆ. ಇವರು ನನ್ನ ಬೆಸ್ಟ್ ಟೀಚರ್. ಅವರು ನಮಗೆ ಪಾಠ ಮಾಡುವುದಲ್ಲದೆ ಬದುಕು ಹೇಗಿರಬೇಕೆಂದು ಹೇಳಿಕೊಡುತ್ತಾರೆ. ಅವರ ಪಾಠ ನಮಗೆ ಹಬ್ಬವಿದ್ದಂತೆ. ಅವರು ನಗುನಗುತ್ತಾ ಅವರ ಪಾಠವನ್ನು ಮಾಡುತ್ತಾರೆ. ನಾನು ಕುಗ್ಗಿದಾಗ ನಿನ್ನಿಂದ ಸಾಧ್ಯ ಎಂದು ಆತ್ಮವಿಶ್ವಾಸ ತುಂಬಿದ್ದಾರೆ.
9 ನೇ ತರಗತಿ
ಫಿರುವಾಯಿ
ಬಂಟ್ವಾಳ ತಾಲೂಕು, ದಕ್ಷಿಣ ಕನ್ನಡ ಜಿಲ್ಲೆ
**************************************
