ಮಕ್ಕಳಿಗೆ ರಜೆಯ ಓದು : ಸಂಚಿಕೆ - 16
Sunday, October 5, 2025
Edit
ಸಂಚಿಕೆ - 16
ಓದು ಬರಹ : ಕೆ ಪಿ ಅಶ್ವಿನ್ ರಾವ್
ಪದವಿನಂಗಡಿ, ಬೊಂದೇಲ್
ಮಂಗಳೂರು, ದಕ್ಷಿಣಕನ್ನಡ ಜಿಲ್ಲೆ
ಮೊ : +91 94482 53815
ಮಕ್ಕಳಿಗೆ ರಜೆಯ ಓದು’ ಎಂಬ ಮಾಲಿಕೆಯನ್ನು ನಾನು ೧೫ನೇ ಸಂಚಿಕೆಗೆ ತಾತ್ಕಾಲಿಕವಾಗಿ ನಿಲ್ಲಿಸಿದ್ದೆ. ಆದರೆ ಬಹಳಷ್ಟು ಓದುಗರು, ಅದರಲ್ಲೂ ಮಕ್ಕಳ ಪಾಲಕರು, ಪೋಷಕರು ನನಗೆ ವೈಯಕ್ತಿಕವಾಗಿ ಕರೆ ಮಾಡಿ ಇನ್ನಷ್ಟು ಪುಸ್ತಕಗಳ ಮಾಹಿತಿ ತಿಳಿಸಿದರೆ ಮಕ್ಕಳಿಗಾಗಿ ಆ ಪುಸ್ತಕಗಳನ್ನು ಖರೀದಿಸಿಕೊಡಲು ಅನುಕೂಲವಾಗುತ್ತದೆ ಎಂದು ಆಶಯವನ್ನು ವ್ಯಕ್ತಪಡಿಸಿದ್ದಾರೆ. ‘ಮಕ್ಕಳ ಜಗಲಿ’ ಯ ಸಂಪಾದಕರಾದ ಶ್ರೀ ತಾರಾನಾಥ ಕೈರಂಗಳ ಇವರೂ ಈ ಮಾಲಿಕೆಯನ್ನು ವಿಸ್ತರಿಸುವ ಬಯಕೆ ವ್ಯಕ್ತಪಡಿಸಿದ್ದರು. ಈ ನಿಟ್ಟಿನಲ್ಲಿ ನಾನು ಈ ಮಾಲಿಕೆಯನ್ನು ಇನ್ನಷ್ಟು ವಾರಗಳ ಕಾಲ ಬರೆಯಲು ನಿರ್ಧಾರ ಮಾಡಿರುವೆ.
ಕನ್ನಡ, ಹಿಂದಿ, ತಮಿಳು ಮೊದಲಾದ ಬಹುತೇಕ ಭಾಷೆಗಳಲ್ಲಿ ಮಕ್ಕಳ ಸಾಹಿತ್ಯ ಕೃಷಿ ನಡೆದಿದೆ. ಪ್ರಸ್ತುತ ನಾನು ಆಂಗ್ಲ ಭಾಷೆಯ ಪುಸ್ತಕಗಳ ಬಗ್ಗೆ ಮಾಹಿತಿ ಹಂಚಿಕೊಳ್ಳುತ್ತಿರುವೆ. ಮುಂದಿನ ವಾರಗಳಲ್ಲಿ ಕನ್ನಡ ಹಾಗೂ ಇತರೆ ಭಾಷೆಗಳ ಪುಸ್ತಕಗಳ ಬಗ್ಗೆಯೂ ಮಾಹಿತಿ ನೀಡುತ್ತೇನೆ. ನಾನು ಕಳೆದ ಹದಿನೈದು ವಾರಗಳಲ್ಲಿ ಗಮನಿಸಿದ ವಿಷಯ ಎಂದರೆ ಮಕ್ಕಳ ಪುಸ್ತಕಗಳ ಬಗ್ಗೆ ಅವರ ಪೋಷಕರಿಗೆ ಇರುವಷ್ಟು ಆಸಕ್ತಿ ಮತ್ತು ಕುತೂಹಲ ಮಕ್ಕಳಿಗಿಲ್ಲ. ಹಲವಾರು ಮಂದಿ ಪೋಷಕರು ನನ್ನ ಬಳಿ ಮಕ್ಕಳ ಪುಸ್ತಕಗಳ ವಿವರ ಕೇಳಿದ್ದಿದೆ. ಆದರೆ ಈಗಿನ ಮಕ್ಕಳು ಕಥೆ ಪುಸ್ತಕ ಓದುವ ವಿಷಯದಲ್ಲಿ ಬಹಳ ಹಿಂದೆ ಇದ್ದಾರೆ. ಮೊಬೈಲ್, ಟಿವಿ, ಕಂಪ್ಯೂಟರ್ ಮೊದಲಾದುವುಗಳ ದಾಸರಾಗುತ್ತಿದ್ದಾರೆ. ಇಂದಿನ ಯುಗಕ್ಕೆ ಅವುಗಳ ಅಗತ್ಯ ಖಂಡಿತಾ ಇದೆ. ಆದರೆ ಅವುಗಳೇ ಬದುಕಲ್ಲ. ಉತ್ತಮ ಪುಸ್ತಕಗಳ ಓದು ಉತ್ತಮ ಪ್ರಜೆಯನ್ನು ನಿರ್ಮಾಣ ಮಾಡುತ್ತದೆ. ಈ ಕಾರಣಕ್ಕಾಗಿಯಾದರೂ ಮಕ್ಕಳಿಗೆ ಓದುವ ಚಟ ಹಿಡಿಸಿ. ಹ್ಯಾಪಿ ರೀಡಿಂಗ್ ಮಕ್ಕಳೇ…
೧೯೯೫ರಲ್ಲಿ ಪ್ರಕಾಶಿತವಾದ ಉತ್ತರದ ಬೆಳಕು ಪುಲ್‌ಮನ್‌ ರವರ ಹಿಸ್ ಡಾರ್ಕ್ ಮೆಟೀರಿಯಲ್ಸ್ ಮೂರು ಭಾಗಗಳ ಮೊದಲ ಪುಸ್ತಕವಾಗಿದೆ ಮತ್ತು ಇದನ್ನು ಆಧುನಿಕ ‘ಫ್ಯಾಂಟಸಿ ಕ್ಲಾಸಿಕ್’ ಎಂದು ವ್ಯಾಪಕವಾಗಿ ಪರಿಗಣಿಸಲಾಗಿದೆ. ಇದರ ಆಳವಾದ ತಾತ್ವಿಕ ವಿಷಯಗಳು ಮತ್ತು ದೃಢ ಇಚ್ಛಾಶಕ್ತಿಯ ನಾಯಕಿಯ ಗುಣಗಳು ದಶಕಗಳಿಂದ ಓದುಗರನ್ನು ಸೆಳೆಯುತ್ತಾ ಬಂದಿದೆ. ಈ ಕಾದಂಬರಿಯು ೧೯೯೫ರಲ್ಲಿ ಪ್ರತಿಷ್ಠಿತ ಕಾರ್ನೆಗೀ ಪದಕವನ್ನು ಪಡೆದುಕೊಂಡಿತು, ಇದು ಮಕ್ಕಳ ಸಾಹಿತ್ಯದಲ್ಲಿ ಒಂದು ಸಾಂಪ್ರದಾಯಿಕ ಕೃತಿಯಾಗಿ ಅದರ ಸ್ಥಾನವನ್ನು ಇನ್ನಷ್ಟು ಗಟ್ಟಿಗೊಳಿಸಿತು.
ನಾರ್ತನ್ ಲೈಟ್ಸ್ ವಿವಿಧ ಪ್ರಕಾರಗಳಲ್ಲಿ ರೂಪಾಂತರಗೊಂಡಿದೆ, ವಿಶೇಷವಾಗಿ ೨೦೦೭ರ ‘ದಿ ಗೋಲ್ಡನ್ ಕಂಪಾಸ್’ ಚಲನಚಿತ್ರ ಮತ್ತು ವಿಮರ್ಶಾತ್ಮಕವಾಗಿ ಪ್ರಶಂಸಿತವಾದ HBO/BBC ದೂರದರ್ಶನ ಸರಣಿ ‘ಹಿಸ್ ಡಾರ್ಕ್ ಮೆಟೀರಿಯಲ್ಸ್’. ರೋಮಾಂಚಕ ಸಾಹಸ, ಮರೆಯಲಾಗದ ಪಾತ್ರಗಳೊಂದಿಗೆ, ಉತ್ತರದ ಬೆಳಕು ಒಂದು ಕಲಾತ್ಮಕ ಕೃತಿಯಾಗಿ ಇಂದಿಗೂ ಉಳಿದಿದೆ.
(ಇನ್ನಷ್ಟು ಪುಸ್ತಕಗಳ ಪರಿಚಯ ಮುಂದಿನ ವಾರ)
ಚಿತ್ರ ಕೃಪೆ: ಅಂತರ್ಜಾಲ ತಾಣ
ಪದವಿನಂಗಡಿ, ಬೊಂದೇಲ್
ಮಂಗಳೂರು, ದಕ್ಷಿಣಕನ್ನಡ ಜಿಲ್ಲೆ
ಮೊ : +91 94482 53815
******************************************
