ಪ್ರೀತಿಯ ಪುಸ್ತಕ : ಸಂಚಿಕೆ - 97

ಪ್ರೀತಿಯ ಪುಸ್ತಕ

ಸಂಚಿಕೆ - 97

ಲೇಖಕರು : ವಾಣಿ ಪೆರಿಯೋಡಿ

ಕಲಾವಿದೆ ಹಾಗೂ ಸಾಮಾಜಿಕ ಕಾರ್ಯಕರ್ತರು

ಬೀಡು, ಕಳ್ಳಿಗೆ ಅಂಚೆ,

ಬಂಟ್ವಾಳ ತಾಲೂಕು, ದಕ್ಷಿಣ ಕನ್ನಡ ಜಿಲ್ಲೆ

ಮತ್ತೆ ಬಂತು ಚಂಪು

ಪ್ರೀತಿಯ ಮಕ್ಕಳೇ.... ಯಾರಿದು ಚಂಪು? ಎಲ್ಲಿಂದ ಇದು ಮತ್ತೆ ಬಂತು.. ಹೆಸರು ಕೇಳುವಾಗಲೇ ಕುತೂಹಲ ಅನಿಸುತ್ತದೆ ಅಲ್ಲವೇ..? ಚಂಪು ಒಂದು ನಾಯಿ. ಮೀನೂನ ಪ್ರೀತಿಯ ನಾಯಿ. ಮೀನೂ ಜೊತೆಗೆ ಸಾಕಷ್ಟು ಹೊತ್ತು ಆಟ ಆಡುತ್ತಿತ್ತು. ಅಪ್ಪನ ಜೊತೆಗೆ ವಾಕಿಂಗ್ ಹೋಗುತ್ತಿತ್ತು.. ಮೀನೂ ದಿನಾ ಶಾಲೆಗೆ ಹೋಗುವಾಗ ಒಂದಿಷ್ಟು ದೂರ ಬಿಡಲು ಬರುತ್ತಿತ್ತು. ಅಜ್ಜಿಯ ಹಾಸಿಗೆಯಲ್ಲಿ ಬೆಚ್ಚಗೆ ಮಲಗಿ ಅಜ್ಜಿ ಕೈಯಲ್ಲಿ ಹೊಡೆಸಿಕೊಳ್ಳುತ್ತಿತ್ತು. ಇಂತಹಾ ಪ್ರೀತಿಯ ಚಂಪು ಎಲ್ಲಿ ಹೋಯಿತು...? ಯಾಕೆ ಹೋಯಿತು..? ಪುನಃ ಹೇಗೆ ಬಂತು...? ಮೀನೂ ಏನು ಮಾಡಿದಳು...? – ಎಲ್ಲಾ ತಿಳಿದುಕೊಳ್ಳಬೇಕಾದರೆ ಪುಸ್ತಕ ಓದಬೇಕಲ್ಲವೇ? ಬಣ್ಣ ಬಣ್ಣದ ದೊಡ್ಡ ದೊಡ್ಡ ಚಿತ್ರಗಳೂ ಇವೆ. ನಿಮಗೆ ನಾಯಿ ಬೆಕ್ಕು ಮೇಲೆ ಪ್ರೀತಿ ಇದ್ದರೆ ಬಹಳ ಖುಶಿಕೊಡುತ್ತದೆ, ಇಲ್ಲದಿದ್ದರೆ ಪ್ರೀತಿ ಹುಟ್ಟುತ್ತದೆ.