ಜೀವನ ಸಂಭ್ರಮ : ಸಂಚಿಕೆ - 121
Sunday, January 21, 2024
Edit
ಲೇಖಕರು : ಎಂ.ಪಿ. ಜ್ಞಾನೇಶ್
ಶಿಕ್ಷಣಾಧಿಕಾರಿ
ಪ್ರಧಾನ ಮಂತ್ರಿ ಪೋಷಣ್ ಶಕ್ತಿ ನಿರ್ಮಾಣ
(ಮಧ್ಯಾಹ್ನ ಉಪಹಾರ ಯೋಜನೆ)
ಜಿಲ್ಲಾ ಪಂಚಾಯತ್ ಮಂಗಳೂರು
ದಕ್ಷಿಣ ಕನ್ನಡ ಜಿಲ್ಲೆ
ಬದುಕಲು ಹೆಚ್ಚು ಬೇಕಾಗಿಲ್ಲ. ಎರಡು ಹಣ್ಣು , ಒಂದು ಕಪ್ಪು ಹಾಲು ಸಾಕು, ಇದೇ ದೇಹ ಕೈ ಬಳಸಿದರೆ, ಸಾವಿರ ಜನ ತಿನ್ನುವಷ್ಟು , ಉತ್ಪಾದನೆ ಮಾಡಬಹುದು. ನಾವೆಲ್ಲ ಚಂದ್ರಲೋಕಕ್ಕೆ ಹೋಗಬೇಕು ಎನ್ನುತ್ತೇವೆ. ಅಲ್ಲಿ ನೀರಿಲ್ಲ. ಗಿಡವಿಲ್ಲ. ಹೂವಿಲ್ಲ. ಹಣ್ಣಿಲ್ಲ. ಒಂದು ಕಪ್ ನೀರಿನ ಬೆಲೆ ಎಷ್ಟು?. ಒಂದು ಹಣ್ಣಿನ ಬೆಲೆ ಎಷ್ಟು ?.ಈ ಭೂಮಿಯಲ್ಲಿ ಸುತ್ತಮುತ್ತ ಕಣ್ಣು ಹಾಯಿಸಿದಲೆಲ್ಲ ಹಸಿರೇ ಹಸಿರು. ಹೂಗಳು, ಹಣ್ಣುಗಳು, ಹರಿಯುವ ನದಿ, ಸಾಗರ, ಸಮುದ್ರ, ಕೆರೆ, ಹೊಳೆ, ಈ ಭೂಮಿ ಶ್ರೀಮಂತವಾಗಿರುವಾಗ, ಇದರ ಮಧ್ಯ ನಾವು ಇದ್ದೀವಿ. ಬಡವನಾಗಿರಬಾರದು. ಈ ಭೂಮಿಯ ಮೇಲೆ ನಾವೆಲ್ಲ ಎಂತೆಂಥ ವಸ್ತುಗಳನ್ನು ನೋಡುತ್ತೇವೆ. ಅವೆಲ್ಲ ಈ ಕೈ ಬಳಸಿಯೇ ಮಾಡಿರುವುದು. ಹಾಗಾಗಿ ನಿಸರ್ಗ ನೀಡಿರುವ ಈ ಸುಂದರ ಬಲಿಷ್ಠ ದೇಹವನ್ನು ಬಳಸಿ ಜಗತ್ತನ್ನು ಶ್ರೀಮಂತ ಗೊಳಿಸಬೇಕು. ಕೇವಲ ಒಂದು ಕೈಯಗಲ ಭೂಮಿಯಲ್ಲಿ ಒಂದು ಮಾವಿನ ಬೀಜ ಹಾಕಿ, ಒಂದು ಬೊಗಸೆ ನೀರು ಹಾಕಿದರೆ, ಗಿಡ ಬೆಳೆಯುತ್ತದೆ. ಎತ್ತರವಾದಂತೆ ಮರವಾಗುತ್ತದೆ. ಮರವಾದಂತೆ ನಾವು ನೀರು ಹಾಕುವ ಅಗತ್ಯವಿಲ್ಲ ಒಂದು ಬೀಜ ನಾವು ಸಾಯುವ ತನಕ ಸಾವಿರ ಸಾವಿರ ಹಣ್ಣು ನೀಡುತ್ತದೆ. ನಾವು ಬ್ಯಾಂಕಿಗೆ ಹಣ ಹಾಕಿದರೆ ನೂರಕ್ಕೆ ಹತ್ತು ರೂ ಬಡ್ಡಿ ಬರುಬಹುದು. ಬೇರೆಯವರಿಗೆ ಬಡ್ಡಿ ನೀಡಿದರೆ ಹದಿನೈದು ರೂ ಸಿಗಬಹುದು. ಆದರೆ ಒಂದು ಬೀಜ ಸಾವಿರ ಸಾವಿರ ಹಣ್ಣು ನೀಡುತ್ತದೆ. ಈ ನಿಸರ್ಗ, ಭೂಮಿ ಬಡವಲ್ಲ. ನಮ್ಮ ಕೈಯಿಂದ ಸುಂದರ ಕೆಲಸ ಮಾಡಬೇಕು. ಉತ್ಪಾದನಾ ಕಾರ್ಯ ಮಾಡಬೇಕು. ನಿರ್ಮಾಣ ಕಾರ್ಯ ಮಾಡಬೇಕು. ವಿನಾಶದ ಕೆಲಸ ಮಾಡಬಾರದು. ಅಲ್ಲವೇ ಮಕ್ಕಳೇ.
ಶಿಕ್ಷಣಾಧಿಕಾರಿ
ಪ್ರಧಾನ ಮಂತ್ರಿ ಪೋಷಣ್ ಶಕ್ತಿ ನಿರ್ಮಾಣ
(ಮಧ್ಯಾಹ್ನ ಉಪಹಾರ ಯೋಜನೆ)
ಜಿಲ್ಲಾ ಪಂಚಾಯತ್ ಮಂಗಳೂರು
ದಕ್ಷಿಣ ಕನ್ನಡ ಜಿಲ್ಲೆ
*******************************************
