ಹಕ್ಕಿ ಕಥೆ : ಸಂಚಿಕೆ - 88
Wednesday, March 1, 2023
Edit
ಅಧ್ಯಾಪಕ
ಮೂಡಂಬೈಲು ಹಿರಿಯ ಪ್ರಾಥಮಿಕ ಶಾಲೆ
ಬಂಟ್ವಾಳ , ದಕ್ಷಿಣ ಕನ್ನಡ ಜಿಲ್ಲೆ
ಮಾವಿನ ಮರದ ಹೂವಿಗೆ ಯಾವುದೋ ಹಕ್ಕಿ ಬಂದಿರಬೇಕು, ಆದರೆ ಇವನು ಇಷ್ಟೆಲ್ಲ ಬಣ್ಣ ಹೇಳುತ್ತಿದ್ದಾನೆ ಎಂದು ನಾನೂ ಮರದಕಡೆಗೆ ನೋಡಿದೆ. ಈ ಬದಿಯ ಗೆಲ್ಲಿನಲ್ಲಿವೆ ಎಂದ. ಅವನು ತೋರಿಸಿದ ಕಡೆ ನೋಡಿದರೆ ನನಗೆ ಆಶ್ಚರ್ಯವೂ ಸಂತೋಷವೂ ಒಂದೇ ಬಾರಿ ಆಯಿತು. ಸುಮಾರು ಹತ್ತು ವರ್ಷದ ಹಿಂದೆ ನಾನು ಸಂಸೆ ಶಾಲೆಯಲ್ಲಿ ಇದ್ದಾಗ ನೋಡಿ ದಾಖಲಿಸಿದ ಹಕ್ಕಿ. ಆನಂತರ ಅದನ್ನು ಎಲ್ಲೂ ನೋಡಿರಲಿಲ್ಲ. ಈಗಿನ ಶಾಲೆಯ ಆಸುಪಾಸಿನಲ್ಲಿ ಇದೇ ಮೊದಲನೆ ಬಾರಿಗೆ ನೋಡಿದ್ದು. ಸೂರಕ್ಕಿಯಂತೆ ಕೂಗುತ್ತಾ ಮಾವಿನ ಮರದ ಕೊಂಬೆಯ ಮೇಲೆ ಇರಬಹುದಾದ ಪುಟ್ಟ ಕೀಟಗಳನ್ನು ಹುಡುಕುತ್ತಾ, ಮರಕುಟಿಗ ಹಕ್ಕಿಯಂತೆ ಮರದ ಕಾಂಡವನ್ನು ಕುಟ್ಟುತ್ತಾ ಕೀಟವನ್ನು ಹುಡುಕುತ್ತಾ ಕೊಂಬೆಯ ತುಂಬ ಚುರುಕಾಗಿ ಓಡಾಡುತ್ತಿದ್ದವು. ಮರಕುಟಿಗ ಹಕ್ಕಿ ಸಾಮಾನ್ಯವಾಗಿ ಮರವನ್ನು ಕುಟ್ಟುತ್ತಾ ಕೆಳಗೆ ಬರುವುದು ವಾಡಿಕೆ. ಆದರೆ ಈ ಹಕ್ಕಿ ತಲೆಕೆಳಗೆ ಮಾಡಿಕೊಂಡು ಮರದ ಮೇಲಿಂದ ಕೆಳಗೆ ಅಥವಾ ಕೆಳಗಿಂದ ಮೇಲೆ ಯಾವುದೇ ದಿಕ್ಕಿನಲ್ಲಿ ಚುರುಕಾಗಿ ಓಡಾಡುತ್ತದೆ. ಅವುಗಳು ಹಾಗೆ ಓಡಾಡುವುದನ್ನು ನೋಡುವುದೇ ಚಂದ. ನೆಲದಮೇಲೆ ಗುಂಪಾಗಿ ಗುಬ್ಬಚ್ಚಿಗಳು ಓಡಾಡುವಂತೆ ಇವುಗಳು ಮರದ ಮೇಲೆ ಓಡಾಡುತ್ತವೆ.
ಕಾಡು ಚೆನ್ನಾಗಿರುವ ಪ್ರದೇಶಗಳಲ್ಲಿ ಘಟ್ಟ ಪ್ರದೇಶ ಮತ್ತು ಅದರ ಆಸುಪಾಸಿನಲ್ಲಿ ಈ ಹಕ್ಕಿಗಳು ಕಾಣಲು ಸಿಗುತ್ತವೆ. ಮರಕುಟಿಗ ಅಥವಾ ಕುಟ್ರು ಹಕ್ಕಿಗಳು ಬಳಸಿದ ಗೂಡುಗಳ ಜಾಗದಲ್ಲಿ ಈ ಹಕ್ಕಿಗಳು ತಮ್ಮ ಗೂಡು ಮಾಡುತ್ತವೆ ಎಂದು ಪಕ್ಷಿ ತಜ್ಞ ಸಲೀಂ ಅಲಿ ತಮ್ಮ ಪುಸ್ತಕದಲ್ಲಿ ದಾಖಲಿಸಿದ್ದಾರೆ. ಸುಮಾರು ಹತ್ತು ನಿಮಿಷದ ನಂತರ ಒಂದೊಂದಾಗಿ ಹಕ್ಕಿಗಳು ದೂರದ ಇನ್ನೊಂದು ಮರದ ಕಡೆಗೆ ಹಾರಿ ಹೋದವು. ನಾಳೆ ಮತ್ತೊಮ್ಮೆ ಈ ಹಕ್ಕಿಗಳು ಬಂದರೆ ಅದರ ವಿಡಿಯೋ ಮಾಡಿ ಕಳಿಸ್ತೇನೆ. ಮತ್ತೆ ಸಿಗೋಣ..
ಕನ್ನಡ ಹೆಸರು: ಮಕ್ಮಲ್ ನೆತ್ತಿಯ ಮರಗುಬ್ಬಿ
ಇಂಗ್ಲೀಷ್ ಹೆಸರು: Velvet-fronted Nuthatch
ವೈಜ್ಞಾನಿಕ ಹೆಸರು: Sitta frontalis
ಚಿತ್ರ : ಅರವಿಂದ ಕುಡ್ಲ
ಮುಂದಿನವಾರ ಇನ್ನೊಂದು ಹೊಸ ಹಕ್ಕಿಯ ಪರಿಚಯದೊಂದಿಗೆ ಸಿಗೋಣ.
ಅಧ್ಯಾಪಕ
ಮೂಡಂಬೈಲು ಹಿರಿಯ ಪ್ರಾಥಮಿಕ ಶಾಲೆ
ಬಂಟ್ವಾಳ , ದಕ್ಷಿಣ ಕನ್ನಡ ಜಿಲ್ಲೆ
+91 98448 98124
********************************************
