ಬದಲಾಗೋಣವೇ ಪ್ಲೀಸ್ - 87
Wednesday, March 1, 2023
Edit
ಲೇಖಕರು : ಗೋಪಾಲಕೃಷ್ಣ ನೇರಳಕಟ್ಟೆ
ಶಿಕ್ಷಕರು ಹಾಗೂ ತರಬೇತುದಾರರು
ಕುಸಿಯತೊಡಗಿದ ನನಗೆ "ಅಣ್ಣಾ... ಈ ಕಂದೀಲು ಹಿಡಿದುಕೊಂಡು ನಿನ್ನ ಗುರಿಯತ್ತ ಸಾಗು" ಎಂಬ ಸ್ಫೂರ್ತಿಯ ಮಾತು ಕೇಳಿಸಿತು. ಆತನ ಹೆಸರು ಭರತ್. ನನ್ನಂತೆ ದಿಕ್ಕೆಟ್ಟು ಕುಸಿಯುತ್ತಿರುವ ಭಾವಜೀವಿಗಳ ಭಾವನೆಗಳನ್ನು ಅರ್ಥ ಮಾಡಿಕೊಂಡು ಅವರ ಕತ್ತಲಿಗೆ ಕಾರಣ ಹುಡುಕಿ... ಮತ್ತಷ್ಟೂ ಕುಸಿಯದಂತೆ ಸ್ಫೂರ್ತಿ ನೀಡಿ, ಕುಸಿದ ಬದುಕಿಗೆ ಊರುಗೋಲಾಗಿ, ಬದುಕಿನ ಅಗತ್ಯತೆಯ ಅರಿವನ್ನು ಅನಾವರಣಗೊಳಿಸಿ ಕತ್ತಲ ಪಯಣಕ್ಕೆ ಕಂದೀಲು ಕೊಟ್ಟು ಮುಂದಡಿಯಿಡಲು ಪ್ರೇರಣೆ ನೀಡುತ್ತಿದ್ದ. "ಸುಂದರ ಸೂರ್ಯಾಸ್ತ ಮುಗಿದು ಹೋಯಿತೆಂದು ಚಿಂತಿಸುತ್ತಾ ಕೂಡುವುದು ಜೀವನವಲ್ಲ. ಅದು ನಾಳೆ ಬೆಳಗಿನ ಹೊಸದಾದ ಸೂರ್ಯೋದಯದ ಬೆಡಗಿಗೆ ಪೂರ್ವತಯಾರಿಯ ಸಮಯ. ಆ ಪೂರ್ವ ತಯಾರಿವರೆಗೆ ತಾಳ್ಮೆಯಿಂದ ಕಾದು ಸೂರ್ಯೋದಯದ ಅಮೂಲ್ಯ ಸಮಯಕ್ಕೆ ಸರಿಯಾಗಿ ಹಾಜರಿದ್ದು ಖುಷಿಯಿಂದ ಸಂಭ್ರಮಿಸುವುದನ್ನು ಕಲಿತುಕೊ. ಅಲ್ಲಿಯವರೆಗೆ ಧನಾತ್ಮಕ ಚಿಂತನೆಯ ಕಂದೀಲು ಹಿಡಿದು ಪಯಣ ಮುಂದುವರೆಸು. ನಿನಗೆ ಶುಭವಾಗಲಿ ಅಣ್ಣಾ.." ಎಂದು ಕುಸಿದ ನನ್ನ ಕೈಯನ್ನು ಮೇಲೆತ್ತಿ , ಕೈ ಹಿಡಿದು , ನಾಲ್ಕಾರು ಹೆಜ್ಜೆ ಜತೆಯಾಗಿ ಬಂದು ಮುಂದಿನ ಪಯಣದ ದಾರಿಗೆ ಶುಭ ಕೋರಿ ಮರೆಯಾದ.
ಈಗ ನಾನು ನಿಂತಲ್ಲೇ ನಿಂತಿರುವೆ. ಆಯ್ಕೆ ನನ್ನ ಕೈಯಲ್ಲಿಯೇ ಇದೆ. ನಾಳಿನ ಸೂರ್ಯಾಸ್ತದ ಸೂರ್ಯನಿಗಾಗಿ ಕಂದೀಲು ಹಿಡಿದು ಪಯಣ ಮುಂದುವರೆಸುವುದೋ... ಅಥವಾ ಕಂದೀಲು ನಂದಿಸಿ ಅಲ್ಲೇ ಕುಸಿದು ಮೈ ಮರೆಯುವುದೋ.... ನಿರ್ಧಾರ ನನ್ನದು... ಆಯ್ಕೆಯೂ ನನ್ನದು.... ಬದಲಾವಣೆಯೂ ನನ್ನದೆ... ಈ ಬದಲಾವಣೆಗೆ ಯಾರನ್ನೂ ಕಾಯದೆ ನಾವೇ ಬದಲಾಗೋಣ. ಬದಲಾಗೋಣವೇ ಪ್ಲೀಸ್..! ಏನಂತೀರಿ...?.
ಶಿಕ್ಷಕರು ಮತ್ತು ತರಬೇತುದಾರರು
Mob: +91 99802 23736
********************************************
