ಬದಲಾಗೋಣವೇ ಪ್ಲೀಸ್.....! ಸಂಚಿಕೆ - 68
Wednesday, October 19, 2022
Edit
ಶಿಕ್ಷಕರು ಹಾಗೂ ತರಬೇತುದಾರರು
ಬದಲಾಗೋಣವೇ ಪ್ಲೀಸ್.....! ಸಂಚಿಕೆ - 68
ನಮ್ಮ ಬದುಕೆಂಬ ರಾಕೆಟ್ ಪಯಣ ಕೂಡಾ ಇದೇ ರೀತಿ ತಾನೇ. ಒಂದು ನಿರ್ಧರಿತ ಗುರಿಯನ್ನು ಮುಟ್ಟುವ ಆಲೋಚನೆಯಿಂದ ಪ್ರಾರಂಭವಾಗುವ ಬದುಕೆಂಬ ರಾಕೆಟ್ ಪಯಣವು ನಮ್ಮ ಸುತ್ತಮುತ್ತಲೂ ಸಿಗುವ ಕ್ರಿಯೆ - ಪ್ರತಿಕ್ರಿಯೆಗಳಿಂದ ವೇಗವನ್ನು ಗಳಿಸಿ ಅಥವಾ ಕಳೆದುಕೊಂಡು ಮುಂದುವರಿಯುತ್ತದೆ. ನಿರ್ದಿಷ್ಟವಾದ ಪ್ರತಿಯೊಂದು ಹಂತಗಳಲ್ಲಿಯೂ ಬದುಕಿನ ಮುಂದುವರಿಕೆ ಅಥವಾ ಗುರಿಯ ಮುಟ್ಟಲು ಅನಗತ್ಯವಾದ ವಿಚಾರಗಳನ್ನು ಕಳಚಿಕೊಂಡು ಕೇವಲ ಅಗತ್ಯ ವಿಚಾರಗಳೊಂದಿಗೆ ಪಯಣ ಮುಂದುವರಿಸುವುದು ಅಗತ್ಯವಾಗಿದೆ. ಇಲ್ಲದಿದ್ದರೆ ಭಾರ ಹೆಚ್ಚಾಗಿ ಜೀವನ ಸಾಗಿಸಲು ಕಷ್ಟವಾಗಬಹುದು. ಯಾವಾಗ ಅನಗತ್ಯದ ಕಳಚುವಿಕೆ ವೇಗವಾಗಿ ಸಾಗುತ್ತದೋ ಆಗ ಗುರಿಯನ್ನು ಬೇಗನೇ ಮುಟ್ಟಬಹುದು.
ವಿದ್ಯಾರ್ಥಿಗಳಿಗೆ ತಾನು ಕಲಿಯುತ್ತಿರುವ ಪ್ರತಿಯೊಂದು ತರಗತಿ ಕೂಡಾ ರಾಕೆಟ್ ಇದ್ದಂತೆ. ಜೂನ್ ತಿಂಗಳಲ್ಲಿ ಎಲ್ಲಾ ವಿಚಾರಗಳಿಂದ ಪೂರ್ತಿಯಾಗಿ ಪ್ರಾರಂಭವಾಗುವ ವಿದ್ಯಾರ್ಥಿ ಜೀವನವು ಮಾರ್ಚ್- ಏಪ್ರಿಲ್ ಆಗುವಾಗ ತನ್ನ ಶೈಕ್ಷಣಿಕ - ಪಠ್ಯ - ಸಹಪಠ್ಯ - ವೈಯಕ್ತಿಕ ಪ್ರತಿಭೆ ಕೌಶಲ್ಯಗಳ ಗರಿಷ್ಠ ಸಾಧನೆಯ ಗುರಿಯನ್ನು ಮುಟ್ಟಬೇಕಾಗಿದೆ. ಹಾಗಾಗಿ ಗುರಿಯನ್ನು ಮುಟ್ಟುವ ಹಂತಗಳಲ್ಲಿ ಕೆಲವನ್ನು ಕಳಚಬೇಕಾಗಿದೆ. ಗುರಿ ಸಾಧಿಸಬೇಕಾದರೆ ಪ್ರತಿ ಹಂತದಲ್ಲೂ ಮೊಬೈಲ್ ನ ಅತೀ ಬಳಕೆ, ಆನ್ ಲೈನ್ ಗೇಮ್ಸ್ ಆಡುವುದು, ಹರಟೆ, ಅಶಿಸ್ತು, ಅನಗತ್ಯ ಕಾಲಹರಣ, ಕೆಟ್ಟವರ ಸಂಘ, ಹಗಲುಗನಸು, ಸೋಮಾರಿತನ, ಅನಗತ್ಯ ಕಾರ್ಯಕ್ರಮಗಳಲ್ಲಿ ಭಾಗಹಿಸುವುದು... ಹೀಗೆ ಹಲವಾರು ಅಂಶಗಳನ್ನು ಕಳಚುತ್ತಾ ಬರುವುದು ಅಗತ್ಯ. ಆಗ ಮಾತ್ರ ವಿದ್ಯಾರ್ಥಿ ಜೀವನದ ಗುರಿಯನ್ನು ಮುಟ್ಟಬಹುದಾಗಿದೆ.
ಬನ್ನಿ... ಈ ಭಾರದ ಕಳಚುವಿಕೆಯ ಮೂಲಕ ಬದುಕಿನ ಗುರಿಯನ್ನು ಮುಟ್ಟುವತ್ತ ಪಯಣ ಮುಂದುವರಿಸೋಣ. ಈ ಮೂಲಕ ಹೊಸ ಬದಲಾವಣೆಗೆ ಬದಲಾಗುವತ್ತ ಬದಲಾಗೋಣ. ಈ ಧನಾತ್ಮಕ ಬದಲಾವಣೆಗೆ ಯಾರನ್ನೂ ಕಾಯದೆ ನಾವೇ ಬದಲಾಗೋಣ. ಬದಲಾಗೋಣವೇ ಪ್ಲೀಸ್..! ಏನಂತೀರಿ...?.
ಶಿಕ್ಷಕರು ಮತ್ತು ತರಬೇತುದಾರರು
Mob: +91 99802 23736
********************************************
