ಕವನಗಳು : ಸಿಂಚನಾ ಎಸ್ ಶೆಟ್ಟಿ

ಮಕ್ಕಳ ಜಗಲಿಯಲ್ಲಿ 

ಕವನಗಳು

ರಚನೆ : ಸಿಂಚನಾ ಎಸ್ ಶೆಟ್ಟಿ

              ಬಾಂಧವ್ಯ

            ---------------

ಪೋಷಕರಾಗಿ ಸಲಹಿದರು ಶಿಕ್ಷಕರು

ಅವರೆಂದಿಗೂ ನಮ್ಮ ಆರಕ್ಷಕರು

ಬೇಕಾಗಿತ್ತು ನಮಗೆ ಶಿಕ್ಷಣ

ಜೀವನ ಪಾಠ ಹೇಳಿ ಸಲಹಿದರು ಪ್ರತಿಕ್ಷಣ

    ಅನುದಿನ ತಿದ್ದಿ ನಮ್ಮನ್ನು

    ಅನುಭವಿಸಿದರು ಶಿಕ್ಷಕ ವೃತ್ತಿಯನ್ನು

    ತೀರಿಸಲಾಗದು ಈ ನಿಮ್ಮ ಪ್ರೀತಿಯ

    ಕೊನೆವರೆಗೂ ಇರಲಿ ನಮ್ಮ ಭಾಂದವ್ಯ

ಕಂಡ ಕನಸುಗಳೆಲ್ಲವ

ಮೀರಿ ಸಲಹಿದ ನಿಮಗೆ

ಅರ್ಪಿಸುವೆನು ನಾ

ಕೋಟಿ ನಮನಗಳು ನಿಮ್ಮ ಕಡೆಗೆ

         

               ಗೆಳೆತನ

             -------------

ರಕ್ತಸಂಬಂಧವನ್ನು ಮೀರಿದ

ಬಂಧವು ನಮ್ಮ ಗೆಳೆತನ

ಪ್ರೀತಿ, ಮಮತೆ, ಅಪ್ಪುಗೆಗೆ

ಎಂದಿಗೂ ಚಿರಋಣಿ ನಾ

     ಯಾರೇ ಇರಲಿ, ಇಲ್ಲದಿರಲಿ

     ಇರುವುದು ನಮ್ಮ ಬಂಧವು ಹೀಗೆ

     ಕಷ್ಟ ಸುಖವನ್ನು ಲೆಕ್ಕಿಸದೆ

     ಇರುವೆ ನಿನ್ನ ಜೊತೆಗೆ

ಜಾತಿ, ಮತ, ಪಂಗಡಗಳನ್ನೆಲ್ಲ

ಮೀರಿದ ಈ ನಮ್ಮ ಸಂಬಂಧ

ಯಾರ ದೃಷ್ಟಿಯು ತಾಗದೆ

ಹೀಗೆ ಇರಲಿ ಈ ಅನುಬಂಧ 

..................................... ಸಿಂಚನಾ ಎಸ್ ಶೆಟ್ಟಿ

ದ್ವಿತೀಯ ಪಿ. ಯು. ಸಿ

ಕ್ರೈಸ್ಟ್ ಕಿಂಗ್ ಪದವಿ ಪೂರ್ವ ಕಾಲೇಜು 

ಕಾರ್ಕಳ , ಉಡುಪಿ ಜಿಲ್ಲೆ

*******************************************