ಮಕ್ಕಳ ಕವನಗಳು : ಶೃಜನ್ ಜೆ. ರೈ.
Sunday, May 8, 2022
Edit
ಮಕ್ಕಳ ಕವನಗಳು
ರೈತ
........................................ ಶೃಜನ್ ಜೆ. ರೈ.
-----------
ಎಲ್ಲರಿಗೂ ಅನ್ನದಾತ ರೈತ
ಕೇಳಬೇಕು ಅವನ ಮಾತ
ಬೆವರು ಸುರಿಸಿ ದುಡಿಯಬೇಕು
ದುಡಿದು ಊಟ ಮಾಡಬೇಕು
ಮಾಡುತ್ತಾನೆ ಅವ ಬೇಸಾಯ
ನಮಗೆಲ್ಲ ಅವನೇ ಅಡಿಪಾಯ |
ರೈತನು ದೇಶದ ಬೆನ್ನೆಲುಬು ನಿಜವಣ್ಣ
ರೈತನ ಬೆಳೆ ನಾಶವಾಗದಿದ್ದರೆ ಸಾಕಣ್ಣ||
ನಮಗೆಲ್ಲ ರೈತರೇ ಸ್ಪೂರ್ತಿ
ಬೆಳಗಲಿ ರೈತರ ಕೀರ್ತಿ|
ನಮಗೇನು ಗೊತ್ತು ರೈತರ ಕಷ್ಟ
ನೀ ಅನ್ನವನ್ನು ಮಾಡಬೇಡ ನಷ್ಟ||.
........................................ ಶೃಜನ್ ಜೆ. ರೈ.
7 ನೇ ತರಗತಿ.
ವಿವೇಕಾನಂದ ಕನ್ನಡ ಮಾಧ್ಯಮ ಶಾಲೆ.
ತೆಂಕಿಲ, ಪುತ್ತೂರು.
ಪುತ್ತೂರು ತಾಲೂಕು , ದಕ್ಷಿಣ ಕನ್ನಡ ಜಿಲ್ಲೆ
******************************************
ನಮ್ಮ ದೇಶ ಭಾರತ
----------------------
ನಾನೊಂದು ಬರೆದ ಕವನ
ಭಾರತ ಮಾತೆಗೆ ನನ್ನಯ ನಮನ|
ನಮ್ಮ ದೇಶ ಭಾರತ
ಇತಿಹಾಸವ ಸಾರುತ||
ಗಾಂಧೀಜಿ ಹೋರಾಟ ಮಾಡುತ
ಸ್ವತಂತ್ರವಾಯಿತು ದೇಶ ಭಾರತ|
ಸಾಹಸ ಹೋರಾಟದ ಧೀರ ನಾಯಕರು
ಅವರಿಗೆ ನಾವು ಗೌರವ ನೀಡುವೆವು ||
ಹೋರಾಟ ಮಾಡುತ ವೀರ ಯೋಧರು
ಜೀವ ತ್ಯಾಗ ಮಾಡಿ ಸ್ವಾತಂತ್ರ್ಯ ತಂದರು |
ಬ್ರಿಟಿಷರ ಓಡಿಸಿದ ದೇಶದ ಜನರ ಪರಿಶ್ರಮ
ಈಗ ನಮಗೆ ಸಿಕ್ಕಿದೆ ಸ್ವಾತಂತ್ರ್ಯದ ಸಂಭ್ರಮ||
ದೇಶದೆಲ್ಲೆಡೆ ಹಾರಲಿ ತ್ರಿವರ್ಣ ಬಾವುಟ|
ಧ್ವಜದ ನಡುವೆ ಅಶೋಕ ಚಕ್ರ ಕಾಣುತ||
ಭಾವೈಕ್ಯತೆ ನೆಲೆಸಿ ದೇಶದಿ ಕಾಣಲಿ ಶಾಂತಿ|
ಒಗ್ಗಟ್ಟು ಮೂಡಿ ಮೆರೆಯಲಿ ದೇಶದ ಕೀರ್ತಿ||.
7 ನೇ ತರಗತಿ.
ವಿವೇಕಾನಂದ ಕನ್ನಡ ಮಾಧ್ಯಮ ಶಾಲೆ.
ತೆಂಕಿಲ, ಪುತ್ತೂರು
ಪುತ್ತೂರು ತಾಲೂಕು , ದಕ್ಷಿಣ ಕನ್ನಡ ಜಿಲ್ಲೆ
******************************************
