ವರ್ಣಿಸಲಸಾಧ್ಯ - ಕವನ

ಲಾವಣ್ಯ

10ನೇ ತರಗತಿ

ಸರಕಾರಿ ಪ್ರೌಢ ಶಾಲೆ ಕೊಳ್ನಾಡು ಕಾಡುಮಠ

ಬಂಟ್ವಾಳ ತಾಲೂಕು , ದಕ್ಷಿಣ ಕನ್ನಡ ಜಿಲ್ಲೆ

               ವರ್ಣಿಸಲಸಾಧ್ಯ - ಕವನ

*********************************************

ನೇಸರನುದಯಿಸಿದನಾ ಬಾನಿನಲ್ಲಿ|

ಹಕ್ಕಿಗಳ ಚಿಲಿಪಿಲಿ ಮಧುರ ಗಾಯನ ಆಗಸದಲ್ಲಿ|

ನವ ಚೇತನ, ನವ ಹುರುಪಿನಿಂದ ಶುರುವಾದವು ದಿನಳು ನೇಸರನ ಕಿರಣದಿ|

ಕಂಗೊಳಿಸುವ ಪ್ರಕೃತಿಮಾತೆಯ ವರ್ಣಿಸಲಾಗದ ಸೊಬಗದು|

ಆ ಸೊಬಗ ಕಾಣುತಲಿ ಕಳೆದೇ ಹೋದವು

ನನ್ನೆರಡು ಕಂಗಳು|

ಉಸಿರ ನೀಡಿ, ಹಸಿವು ನೀಗಿಸಿ,

ಸಲಹುತಿಹಳು ಪ್ರಕೃತಿಮಾತೆ |

ಅವಳಿಗೆಂದಿಗೂ ನಾವು ಚಿರಋಣಿ|

ಸಾಗರದ ಅಲೆಗಳ ಸದ್ದು ಶಾಂತವಾಗಿ

ಶುಭ್ರವಾದ ನೀರು ಕಂಗೊಳಿಸುತ್ತಾ

ಮನ ಸೆಳೆದವು|

ಸಾಗರದ ಸೊಬಗ ಕಂಡು ನನ್ನ ನಯನಗಳು ಕಳೆದೇ ಹೋದವು|

ಮನಸು ಪ್ರಶಾಂತವಾಯಿತು, ನವಹುರಿಪಿನಿಂದ|

ಕನಸುಗಳು ಜನಿಸ ತೊಡಗಿದವು

ತೃಪ್ತಿಕರ ಮನಸ್ಸಿನಿಂದ|

ನೋವನ್ನು ಮರೆಸುವ ಶಕ್ತಿ,

ನಗುವನ್ನು ತೃಪ್ತಿಕರ ಮನೋಭಾವನೆಯನ್ನು ನೀಡುವ ಶಕ್ತಿ ನಿನ್ನಲ್ಲಿದೆ ಓ ಪ್ರಕೃತಿಮಾತೆ|

ನೀ ನೀಡಿದೆ ಉಸಿರು ಅದಕ್ಕೆ ನೀನೇ ಒಡತಿಯು|

ಕಳೆದುಹೋದ ಕ್ಷಣಗಳನ್ನು

ಸಿಹಿ ನೆನಪುಗಳ

ತೋರಣವನ್ನು ಕಟ್ಟಿದವು ಸಾಗರದಂಚಿನ

ಅಲೆಗಳು|

ಮತ್ತೆ ಹುಮ್ಮಸ್ಸು ತುಂಬಲು ಪ್ರಕೃತಿಮಾತೆಯ ನವಿರಾದ ಚೇತನಗಳು |

ಪೂರ್ವ ಜನ್ಮದ ಪುಣ್ಯವೋ ಏನೋ

ಈ ಕರುನಾಡಿನಲ್ಲಿ ಜನಿಸಿದ್ದು

ಮಗುದೊಮ್ಮೆ ಪ್ರಕೃತಿ ಮಾತೆಯ ಮಡಿಲಲ್ಲಿ ಮಗುವಾಗಿದ್ದು|

ನಿಸರ್ಗದ ಪರಿಯ ವರ್ಣಿಸಲಸಾಧ್ಯ|

ಅದರ ಸೊಬಗ ವಿವರಿಸಲಸಾಧ್ಯ|

ಕಂಗೊಳಿಸುವ ಭೂರಮೆಯ ಸೊಬಗದು|

ಕಣ್ಮನ ಸೆಳೆಯುವ, ನವ ಉಲ್ಲಾಸದ ಹುರುಪನ್ನುoಟು ಮಾಡುವ ಚೆಲುವದು ವರ್ಣಿಸಲಸಾಧ್ಯ|

..............................................ಲಾವಣ್ಯ

10ನೇ ತರಗತಿ

ಸರಕಾರಿ ಪ್ರೌಢ ಶಾಲೆ ಕೊಳ್ನಾಡು ಕಾಡುಮಠ

ಬಂಟ್ವಾಳ ತಾಲೂಕು , ದಕ್ಷಿಣ ಕನ್ನಡ ಜಿಲ್ಲೆ

*******************************************