ಧೂಳು ಹಿಡಿದಿದೆ ವೀಣೆ - ಕವನ

ಸುಹಾನ್ ನಾಯಕ್ 7ನೇ ತರಗತಿ

ಬಿ.ಎಂ.ಅ.ಹಿ.ಪ್ರಾ. ಶಾಲೆ, ಮೂರೂರು,

ಹಿರ್ಗಾನ, ಕಾರ್ಕಳ

ಉಡುಪಿ ಜಿಲ್ಲೆ

ಧೂಳು ಹಿಡಿದಿದೆ ವೀಣೆ - ಕವನ

ಪ್ರತಿ ವರ್ಷ ರಜೆ ಕಳೆದು

ಶಾಲಾರಂಭವಾಗುವ ಸಮಯ

ಮುಂದಿನ ತರಗತಿಗೆಂದು

ಹರ್ಷಿಸುವ ಸಮಯ

ಆದರೆ ಈ ವರುಷ

ತೆರೆಯಲಿಲ್ಲ ಬಾಗಿಲು

ಧೈರ್ಯವಿಲ್ಲ ಯಾರಿಗೂ

ದಾಟಲು ಮನೆ ಬಾಗಿಲು

ಯಾರದೋ ತಪ್ಪಿಗೆ

ಮಕ್ಕಳಿಗೇಕೆ ಈ ಶಿಕ್ಷೆ..?

ರೋಗದ ಪಾಲಾಯಿತೆಲ್ಲ

ಆಸೆ ಆಕಾಂಕ್ಷೆ..

ಧೂಳು ಹಿಡಿದಿದೆ ಸರಸ್ವತಿಯ

ವಿದ್ಯೆಯೆಂಬ ವೀಣೆಯು

ಮತ್ತೆ ಮೀಟಲಿ ತಂತಿ

ತೆರೆಯಲಿ ಶಾಲೆಯು..

...................ಸುಹಾನ್ ನಾಯಕ್ 7ನೇ ತರಗತಿ

ಬಿ.ಎಂ.ಅ.ಹಿ.ಪ್ರಾ. ಶಾಲೆ, ಮೂರೂರು,

ಹಿರ್ಗಾನ, ಕಾರ್ಕಳ ಉಡುಪಿ ಜಿಲ್ಲೆ

Ads on article