ಬಾನಿನ ಚಿತ್ತಾರ - ನೇಸರ
Wednesday, February 3, 2021
Edit
ಕರ್ನಾಟಕ ಪಬ್ಲಿಕ್ ಸ್ಕೂಲ್ ಕನ್ಯಾನ
ಬಂಟ್ವಾಳ ತಾಲೂಕು
ಬಾನಿನ ಚಿತ್ತಾರ - ನೇಸರ
ಮುಂಜಾನೆಯ ಮಂಜಿನ ವಾತಾವರಣ
ಉಣಬಡಿಸುತ್ತಿತ್ತು ಚಳಿಯ ಹೊತ್ತು , ನಮಗೌತಣ !
ಈ ಕೊರೆಯುವ ಚಳಿಗೂ
ಹಕ್ಕಿಗಳ ಚಿಲಿಪಿಲಿಯ ಗಾನ
ಎಷ್ಟೊಂದು ಪ್ರಶಾಂತವಾಗಿದೆ ಈ ಕ್ಷಣ !
ಮರಗಿಡಗಳೆಲೆಗಳ ನಡುವೆ
ತೂರಿ ಬಂತೊಂದು ಕಿರಣ
ಕೋಳಿಯು ಕೂಗಿತು 'ಬೆಳಗಾಯಿತು ಏಳಣ್ಣಾ' !
ದಡಬಡಿಸುತ ನಿದ್ದೆಯಿಂದೆದ್ದರು ಜನ
ಇನ್ನೂ ನಿದಿರೆಯ ಮಂಪರಿನಲ್ಲಿತ್ತು
ಪುಟ್ಟ ಮಕ್ಕಳ ಮನ !
'ಶುಭ ಮುಂಜಾನೆ ' ಎನ್ನುತ ಸೂರ್ಯನ ಆಗಮನ
ಸೂರ್ಯಕಾಂತಿಗಳು ತಲೆಬಾಗಿ
ಮಾಡಿದವು ನಮನ !
ಮತ್ತೆ ರಸ್ತೆಯಲ್ಲಿ ವಾಹನಗಳ ಗದ್ದಲ,
ವೇಗವಾಗಿ ಜನರ ಪ್ರಯಾಣ ....
ಆ ವೇಗವೆಷ್ಟೆಂದರೆ, ಸೇರಬೇಕೆಂಬ ಆಸೆ ಮಸಣ !
ಮುಗುಳ್ನಗುತ್ತಾ ನೇಸರ ಮೇಲೇರತೊಡಗಿದ
ನಿಧಾನವಾಗಿ ತನ್ನ ಶಾಖವನ್ನು ಹೆಚ್ಚಿಸತೊಡಗಿದ !
ಬಿಸಿಲ ಧಗೆಗೆ ಭೂಮಿಯೇ
ಹೊತ್ತಿಯುರಿಯುತ್ತಿರುವಂತೆ ಭಾಸ !
ಮರದಡಿ ಕುಳಿತರು ಕೆಲ ದಾರಿಹೋಕರು
ನೀಗಲು ಆಯಾಸ....!!
ರವಿಯು ಸೇರಲು ಅಣಿಯಾದ ಪಡುವಣ
ಬಣ್ಣಗಳಿಂದ ರಂಗೇರಿತು ತೆಂಕಣ - ಬಡಗಣ !
ಮರಳಿ ನಿವಾಸವ ಸೇರಲು ಅಣಿಯಾದವು
ಹಕ್ಕಿ- ಪಕ್ಕಿಗಳು .....
ಹೆಚ್ಚಾಗತೊಡಗಿತು ತಂಪು ತಂಪಾದ ಚಳಿಗಾಳಿಯು ...!
ನೋಡುತಲಿದ್ದೆ ಪ್ರತಿದಿನವೂ
ಈ ಸುಂದರ ಚಿತ್ರಣ !
ಇದಕನುಸಾರ ಮನವು
ನುಡಿಯಿತೊಂದು ಕವನ !
ಬರೆದೆನು ವಾತಾವರಣದ
ಈ ಸುಂದರ ಬೆಡಗನ್ನ...
ಅಷ್ಟೊತ್ತಿಗೆ ಆವರಿಸಿತು ನಿದ್ದೆಯೊಂದು ನನ್ನನ್ನ !!!
ಬಿಂದುಶ್ರೀ 10 ನೇ ತರಗತಿ
ಕರ್ನಾಟಕ ಪಬ್ಲಿಕ್ ಸ್ಕೂಲ್ ಕನ್ಯಾನ
ಬಂಟ್ವಾಳ ತಾಲೂಕು