ಪ್ರಕೃತಿ

ರಚನೆ:  ಶ್ರಾವ್ಯ 10 ನೇ ತರಗತಿ

ಸರಕಾರಿ ಪ್ರೌಢ ಶಾಲೆ ಮಂಚಿ ಕೊಳ್ನಾಡು

ಮುಂಜಾನೆಯ ಮೆಲುಗಾಳಿ ತಂಪಾದ ಹಿಮ ಮಂಜು

ಅಲ್ಲಲ್ಲಿ ಚಿಲಿಪಿಲಿ ಹಕ್ಕಿಯ ಕಲರವ

ಸಜ್ಜಾಗಿ ನಿಂತ ಅರಶಿನ ಕುಂಕುಮ ಬಣ್ಣದ ಆಕಾಶ

ಮೂಡಿದ ರವಿ ಮೂಡಣದಿ ಬೆಳಕಿನ ದೀಪವ ಹೊತ್ತು

ಪಸರಿತು ಅರಿತು ರವಿಯ ಕಿರಣವು ಎಲ್ಲೆಡೆ

ನಗು ನಗುತ್ತಾ ಅರಳಿತು ಕಮಲ ಮಲ್ಲಿಗೆ

ಹಾರಿ ಹಾರಿ ಬಂದಿತು ದುಂಬಿಯು ಅಲ್ಲಿಗೆ

ಹೀರಿ ಹೀರಿ ಕುಡಿಯಿತು ಮಕರಂದ ಮೆಲ್ಲಗೆ

ಇತ್ತ ರೈತ ಹೊರಟ ಗದ್ದೆಗೆ

ನೇಗಿಲ ಮೆಲ್ಲ ಏರಿ ಹೆಗಲಿಗೆ

ಬುತ್ತಿ ಗಂಟು ಹಾಕಿ ಕೊರಳಿಗೆ

ಎಸೆಯುತ  ಕೂಳ ಪ್ರಾಣಿ-ಪಕ್ಷಿ ಗೆ

ಮಧ್ಯಾಹ್ನದ ಬಿಸಿ ಬೇಗೆಯ ಕಳೆದು

ಮುಸ್ಸಂಜೆಯ ತುಸು ತಂಪನು ಕಂಡು

ಓಡಾಡಿತು ಕಾಗೆ ಗಿಳಿಗಳ ದಂಡು

ಮನ ತುಂಬಿತು ಈ ಸುಂದರ ದೃಶ್ಯವ ಕಂಡು

ಸಜ್ಜಾದ ಪಡುವಣದಿ ರವಿಯು ದಿನದ ಅಂತ್ಯಕ್ಕೆ

ಮರೆಮಾಚಿತು ಬೆಳಕಿನ ಕಿರಣ

ಅರೆಬರೆ ತುಸು ಕತ್ತಲೆ ಆವರಣ

ಆಹಾ! ಎಂಥಾ ದಿನಚರಿ ರವಿಯೇ ಕಾರಣ...