ಗಡಿಯಾರ

ರಚನೆ: ಧೃತಿ 8 ನೇ ತರಗತಿ

ಸರಕಾರಿ ಪ್ರೌಢಶಾಲೆ ಮಂಚಿ ಕೊಳ್ನಾಡು

ಬಂಟ್ವಾಳ ತಾಲೂಕು

ಗೋಡೆಯ ಮೇಲಿನ ಗಡಿಯಾರ 

ಇರುವುದು ನಾನಾ ಆಕಾರ 

ಮುಖದಲ್ಲಿ ತುಂಬಾ ಅಂಕೆಗಳು 

ಸದಾ ತಿರುಗುವ ಮುಳ್ಳುಗಳು 

ಟಿಕ್ ಟಿಕ್ ಶಬ್ದವ ಮಾಡುತಲಿ

ಸಮಯವ ನಮಗೆ ತೋರುತಲಿ

ಕೆಲಸವ ಮಾಡುವ ಯಂತ್ರಗಳು

ಗಂಟೆಯ ಹೊಡೆಯುವ ತಂತ್ರಗಳು

ಹುಟ್ಟಿದ ಮಗುವಿಗೆ ಜಾತಕ ಬರೆಯಲು

ನಿನ್ನಯ ಸಮಯವೇ ಆಧಾರ

ಶಾಲಾ-ಕಾಲೇಜು ಆಫೀಸುಗಳು

ಸಮಯದ ಒಳಗೆ ವ್ಯವಹಾರ

ಹೊತ್ತು ಮೀರಿ ಹೋದರೆ ಕೆಲಸ

ಆಗುವುದಿಲ್ಲ ಎಂದೆಂದಿಗೂ

ಹೊತ್ತಿಗೆ ಕೊಟ್ಟರೆ ನಿಮ್ಮಯ ಮನಸು

ಜಯಶಾಲಿಗಳು ನೀವೆಂದಿಗೂ