ಮಕ್ಕಳ ಕವನಗಳು : ಸಂಚಿಕೆ - 46 - ಕವನ ರಚನೆ : ಆದ್ಯಂತ್ ಅಡೂರು, ದ್ವಿತೀಯ ಪಿಯುಸಿ, ವಿಜ್ಞಾನ ವಿಭಾಗ

ಮಕ್ಕಳ ಕವನಗಳು : ಸಂಚಿಕೆ - 46

ಕವನ ರಚನೆ : ಆದ್ಯಂತ್ ಅಡೂರು

ದ್ವಿತೀಯ ವಿಜ್ಞಾನ ವಿಭಾಗ 

ಅಂಬಿಕಾ ಪದವಿಪೂರ್ವ 

ವಿದ್ಯಾಲಯ ಬಪ್ಪಳಿಗೆ

ಪುತ್ತೂರು, ದಕ್ಷಿಣ ಕನ್ನಡ ಜಿಲ್ಲೆ

               

ಸುಂದರ ಹಿಮಗಳ ಆಲಯದಲ್ಲಿ

ನಡೆಯಿತು ಆ ದಿನ ಭೀಕರ ದಾಳಿ

ಧರ್ಮವ ಕೇಳಿ ಗುಂಡಿನ ಮಳೆಯು

ಯಾತ್ರಿಕರಾದರು ಇದಕ್ಕೆ ಬಲಿಯು || ೧||

ಉಗ್ರವಾದವನು ಮುಗಿಸಲೇ ಬೇಕು

ಭಾರತ ಸೇಡನು ತೀರಿಸಬೇಕು

ಸಿಂಧೂ ನದಿಯೇ ಉಗ್ರರ ಜೀವವು

ತಡೆಯಿತು ನದಿಯನು ಭಾರತವು ||೨||

ಶಾಂತಿಯ ಉಳಿಸಲು ಯುದ್ಧವು ನಡೆಯಲಿ

ಉಗ್ರರ ಬೆಳೆಸುವ ರಾಷ್ಟ್ರವು ಸಾಯಲಿ

ವಿಜಯ ಪತಾಕೆಯ ಭಾರತ ಎತ್ತಲಿ

ಹುತಾತ್ಮ ಜನರಿಗೆ ಇದು ಶ್ರದ್ಧಾಂಜಲಿ ||೩||

ಏಳಲೇಬೇಕು ಹೃದಯದಿ ಕಿಚ್ಚು

ಹಿಂದುಗಳೆಲ್ಲರು ಕಾಯುವುದೆಷ್ಟು ?

ಉಗ್ರರ ನಡೆಯನು ಖಂಡಿಸುವ

ಭಾರತ ಮಾತೆಯ ರಕ್ಷಿಸುವ ||೪||

................................. ಆದ್ಯಂತ್ ಅಡೂರು

ದ್ವಿತೀಯ ವಿಜ್ಞಾನ ವಿಭಾಗ 

ಅಂಬಿಕಾ ಪದವಿಪೂರ್ವ 

ವಿದ್ಯಾಲಯ ಬಪ್ಪಳಿಗೆ

ಪುತ್ತೂರು, ದಕ್ಷಿಣ ಕನ್ನಡ ಜಿಲ್ಲೆ

****************************************

ನೋಡು ನೋಡು ನಮ್ಮಯ ಪರಿಸರ

ನೋಡಲು ಇದು ಬಹಳ ಸುಂದರ

ಪ್ರಾಣಿ, ಪಕ್ಷಿಗಳ ವಾಸಸ್ಥಾನವು

ಗಿಡ. ಮರಗಳು ತುಂಬಿದ ವನವು ||೧||

ಶುದ್ಧ ನೀರಿನ, ಗಾಳಿಯ ಪ್ರಕೃತಿಯು

ಜುಳುಜುಳು ಹರಿಯುವ ಸುಂದರ ನದಿಯು

ನೋಡಲು ಸಾಲದು ಎರಡು ಕಣ್ಣು

ಜೀವಜಾಲಗಳ ಆರೋಗ್ಯದ ಮಣ್ಣು. ||೨||

ಕೇಳುತಲಿಹುದು ಹಕ್ಕಿಗಳ ಧ್ವನಿಯು

ಚುಮುಚುಮು ತಂಪಿನ ಮಂಜಿನ ಹನಿಯು

ಗದ್ದೆಯ ತುಂಬಾ ಭತ್ತದ ಕೃಷಿಯು

ಹಸಿರಿನ ಪೈರನು ನೋಡಲು ಖುಷಿಯು ||೩||

................................. ಆದ್ಯಂತ್ ಅಡೂರು

ದ್ವಿತೀಯ ವಿಜ್ಞಾನ ವಿಭಾಗ 

ಅಂಬಿಕಾ ಪದವಿಪೂರ್ವ 

ವಿದ್ಯಾಲಯ ಬಪ್ಪಳಿಗೆ

ಪುತ್ತೂರು, ದಕ್ಷಿಣ ಕನ್ನಡ ಜಿಲ್ಲೆ

****************************************

ನಮ್ಮಯ ಸುಂದರ ಕಾಸರಗೋಡು

ಕಲಾರಂಗಗಳ ನೆಲೆವೀಡು

ಗೋವಿಂದ ಪೈಗಳು, ಕಯ್ಯಾರರು

ಹಲವು ಸಾಹಿತಿಗಳ ತವರೂರು ||೧||

ಬೇಕಲಕೋಟೆಯು ನೋಡಲು ಚಂದವು

ಮನಸನು ಸೆಳೆಯುವ ರಾಣಿಪುರವು

ನೀಲೇಶ್ವರದ ದೋಣಿಯ ಮನೆಯು

ಚಂದ್ರಗಿರಿಯೆಂಬ ಹರಿಯುವ ಗಂಗೆಯು ||೨||

ಕುಂಬಳೆ ಸೀಮೆಯ ದೇಗುಲ ಅಡೂರು

ಕಣಿಪುರ, ಮುಜಂಗಾವು, ಮಧೂರು

ನೋಡಲು ಸುಂದರ ಪ್ರಕೃತಿಯ ಹಸಿರು

ಕನ್ನಡ ಭಾಷೆಯ ಆಡುವ ಜನರು ||೩||

ಕಾಸರಗೋಡಿನ ಕನ್ನಡಿಗರು ನಾವು

ಕನ್ನಡ ಭಾಷೆಯ ಉಳಿಸುವೆವು

ಕನ್ನಡ ಭುವನೇಶ್ವರಿಯನು ನೆನೆಯುತ,

ಆಕೆಗೆ ಕನ್ನಡದಾರತಿ ಬೆಳಗುವೆವು ||೪||

................................. ಆದ್ಯಂತ್ ಅಡೂರು

ದ್ವಿತೀಯ ವಿಜ್ಞಾನ ವಿಭಾಗ 

ಅಂಬಿಕಾ ಪದವಿಪೂರ್ವ 

ವಿದ್ಯಾಲಯ ಬಪ್ಪಳಿಗೆ

ಪುತ್ತೂರು, ದಕ್ಷಿಣ ಕನ್ನಡ ಜಿಲ್ಲೆ

****************************************

ಗಂಗೆ, ತುಂಗೆ, ಗೋದಾವರಿ 

ಹರಿಯುವಂತ ಭಾರತ

ಕಾಶಿ. ಮಥುರ, ವಾರಣಾಸಿ 

ದೇಗುಲಗಳ ಭಾರತ ||೧||

ನವದೆಹಲಿಯೇ ರಾಜಧಾನಿ 

ಹಿಂದಿ ರಾಷ್ಟ್ರ ಭಾಷೆಯು

ಎಲ್ಲರೊಂದೆ ನಾವು ಎನುವ 

ನಮ್ಮ ರಾಷ್ಟ್ರ ಗೀತೆಯು ||೨||

ಗಾಂಧೀಜಿ, ಭೋಸರೆಲ್ಲ ಸೇರಿ 

ಸ್ವಾತಂತ್ರ್ಯವ ಕೊಟ್ಟರು

ಹೋರಾಟದ ಕಾವಿನಲ್ಲಿ

ಬ್ರಿಟೀಷರು ದೇಶ ಬಿಟ್ಟರು ||೩||

ಹಲವು ಧರ್ಮ ಒಂದೆ ಎನ್ನುವ 

ನಾವು ಭಾರತೀಯರು

ರಾಜ್ಯ ಬೇರೆಯಾದರೂ 

ನಾವು ಭಾರತೀಯರು ||೪||

ನಮ್ಮ ಭಾಷೆ, ನಮ್ಮ ನೀತಿ

ವಿಶ್ವ ಶ್ರೇಷ್ಠವಾಗಿದೆ

ಶಿರದಲಿರುವ ಕಾಶ್ಮೀರವು 

ತಲೆಯೆತ್ತಿ ನಿಂತಿದೆ ||೫||

................................. ಆದ್ಯಂತ್ ಅಡೂರು

ದ್ವಿತೀಯ ಪಿಯುಸಿ (ವಿಜ್ಞಾನ ವಿಭಾಗ)

ಅಂಬಿಕಾ ಪದವಿಪೂರ್ವ 

ವಿದ್ಯಾಲಯ ಬಪ್ಪಳಿಗೆ

ಪುತ್ತೂರು, ದಕ್ಷಿಣ ಕನ್ನಡ ಜಿಲ್ಲೆ

****************************************