ನಿಮ್ಮೂರ ಶಾಲೆಯ ಸುದ್ದಿ : ಸಂಚಿಕೆ - 09 : ಬರಹ : ಸಾನ್ವಿ ಸಿ ಎಸ್ , 7ನೇ ತರಗತಿ

ನಿಮ್ಮೂರ ಶಾಲೆಯ ಸುದ್ದಿ : ಸಂಚಿಕೆ - 09

ಲೇಖನ : ಭತ್ತದ ಗದ್ದೆಯಲ್ಲಿ ಒಂದು ದಿನ

ಬರಹ : ಸಾನ್ವಿ ಸಿ ಎಸ್ 

7ನೇ ತರಗತಿ

ಶ್ರೀ ಗುರುದೇವ ವಿದ್ಯಾಪೀಠ ಒಡಿಯೂರು

ಬಂಟ್ವಾಳ ತಾಲೂಕು, ದಕ್ಷಿಣ ಕನ್ನಡ ಜಿಲ್ಲೆ

        

ಅದು ಒಂದು ಮಳೆಗಾಲದ ಮುಂಜಾನೆ. ಅಂದು ನನಗಂತೂ ತುಂಬಾ ಆನಂದದ ದಿನವಾಗಿತ್ತು. ಯಾಕೆಂದರೆ ಅಂದು ನಮಗೆ ಶಾಲೆಯಲ್ಲಿ ನೇಜಿ ನೆಡುವ ಕಾರ್ಯಕ್ರಮ ಇತ್ತು. ಒಡಿಯೂರು ಸಮೀಪದ ಬನಾರಿ ಎಂಬಲ್ಲಿ ಶ್ರೀ ಕ್ಷೇತ್ರ ಓಡಿಯೂರಿಗೆ ಸಂಬಂಧಪಟ್ಟ ಒಂದು ಗದ್ದೆ ಇದೆ. ಅಲ್ಲಿ ನೇಜಿ ನೆಡುವ ಕಾರ್ಯಕ್ರಮ. ಅಂದು ಬೆಳಗ್ಗೆ ಬೇಗನೆ ಎದ್ದು ನಿತ್ಯ ಕರ್ಮಗಳನ್ನು ಮುಗಿಸಿ ಶಾಲೆಗೆ ಹೊರಟೆನು. ಏಳನೇ ತರಗತಿ ಹಾಗೂ ಹತ್ತನೇ ತರಗತಿಯ ಎಲ್ಲಾ ಮಕ್ಕಳಿಗೆ ಹಾಗೂ ಉಳಿದ ತರಗತಿಗಳ ಗೈಡ್ಸ್ ವಿದ್ಯಾರ್ಥಿಗಳನ್ನು ಈ ಕಾರ್ಯಕ್ರಮಕ್ಕೆ ಕರೆದೊಯ್ದರು. ನಾವೆಲ್ಲರೂ ನಡೆಯುತ್ತಾ ಗದ್ದೆಯತ್ತ ಬಂದೆವು.