ಸ್ಫೂರ್ತಿಯಾಗಿರುವ ಶಿಕ್ಷಕರು - ಮಕ್ಕಳ ಬರಹಗಳು : ಸಂಚಿಕೆ - 03
Saturday, September 9, 2023
Edit
ಶಿಕ್ಷಕರ ದಿನಾಚರಣೆಯ ವಿಶೇಷ - 2023
ನನಗೆ ಸ್ಫೂರ್ತಿಯಾಗಿರುವ ಶಿಕ್ಷಕರು
ಮಕ್ಕಳ ಬರಹಗಳು : ಸಂಚಿಕೆ - 03
ಗುರು ದೇವೋ ಮಹೇಶ್ವರಃ
ಗುರು ಸಾಕ್ಷಾತ್ ಪರಬ್ರಹ್ಮ
ತಸ್ಮೈ ಶ್ರೀ ಗುರುವೇ ನಮಃ
ಎಲ್ಲಾ ನನ್ನ ಗುರುವರಿಯರಿಗೆ ಶಿಕ್ಷಕರ ದಿನಾಚರಣೆಯ ಶುಭಾಶಯಗಳು.... ಪ್ರತಿವರ್ಷ ಸಪ್ಟೆಂಬರ್ 5 ರಂದು ಸರ್ವಪಲ್ಲಿ ರಾಧಾಕೃಷ್ಣನ್ ಅವರ ಜನ್ಮದಿನವನ್ನು ಶಿಕ್ಷಕರ ದಿನಾಚರಣೆಯನ್ನಾಗಿ ಆಚರಿಸಲಾಗುತ್ತದೆ... ನಾನಿಂದು ನನ್ನ ಕಲಾ ಬದುಕಿನ ಕಲಾ ಗುರುಗಳ ಬಗ್ಗೆ ನನ್ನ ಮನದಾಳದ ಕೃತಜ್ಞತೆಗಳನ್ನು ಸಲ್ಲಿಸುತ್ತಾ ಸ್ಪೂರ್ತಿದಾಯಕವಾದ ಬದುಕನ್ನು ನನಗೆ ನಿರೂಪಿಸಿದಂತಹ ನನ್ನ ಗುರುಗಳ ಬಗ್ಗೆ ಒಂದೆರಡು ಮಾತುಗಳನ್ನು ಈ ಬರವಣಿಗೆಯ ಮೂಲಕ ಸಲ್ಲಿಸುತ್ತಿದ್ದೇನೆ.
ಮೇಕಪ್ ಆರ್ಟಿಸ್ಟ್ ಕಲಾ ಆರಾಧಕರು ಆದಂತಹ ಪ್ರೇಮ್ ರಾಜ್ ಆರ್ಲಪದವು ಅವರೇ ನನ್ನ ಕಲಾ ಜೀವನದ ಮೊದಲ ಗುರು. ನಾನು ಕೊರೋನಾ ಲಾಕ್ ಡೌನ್ ಸಂದರ್ಭದಲ್ಲಿ ಮನೆಯಲ್ಲಿದ್ದಾಗ ನನಗೆ ಪರಿಚಯವಾದ ಗುರುಗಳಿವರು. ನನ್ನಲ್ಲಿರುವಂತಹ ಪ್ರತಿಭೆಯನ್ನು ಹೊರ ಜಗತ್ತಿಗೆ ತೋರಿಸಿಕೊಟ್ಟಂತಹ ವ್ಯಕ್ತಿ ಇವರು. ಮೊದಲಿಗೆ ನನಗೆ ವೇದಿಕೆಗಳಲ್ಲಿ ನೃತ್ಯ ಮಾಡಲು ಅವಕಾಶ ಮಾಡಿಕೊಟ್ಟರು. ನನ್ನಲ್ಲಿದ್ದಂತಹ ಸಣ್ಣ ಸಣ್ಣ ತಪ್ಪುಗಳನ್ನು ತಿದ್ದಿ ಸರಿಪಡಿಸಿ ನಂತರ ನನಗೆ ಅಭಿನಯ ಮಾಡಲು ಕಲಿಸಿಕೊಟ್ಟರು. ನನ್ನ ಪ್ರತಿಭೆಗೆ ಪ್ರೋತ್ಸಾಹಿಸಿ ನನಗೆ ಕಿರು ಚಿತ್ರ ಹಾಗೂ ಆಲ್ಬಮ್ ಸಾಂಗ್ ಗಳಲ್ಲಿ ಅಭಿನಯಿಸಲು ಅವಕಾಶ ಹಾಗೂ ಅದರ ಬಗ್ಗೆ ಕಲಿಸಿಕೊಡುತ್ತಾ ಹಲವಾರು ಪ್ರಶಸ್ತಿ ಹಾಗೂ ಬಹುಮಾನ ಪಡೆಯುವಲ್ಲಿ ಪ್ರೇಮ್ ರಾಜ್ ಸರ್ ಅವರು ಕಾರಣಿಕರ್ತರು. ಇಂದಿಗೂ ನಾನು ಯಾವುದೇ ಸ್ಪರ್ಧೆಯಲ್ಲಿ ಭಾಗವಹಿಸುವ ಮೊದಲು ಅವರ ಮಾರ್ಗದರ್ಶನದಲ್ಲಿ ಮುಂದುವರಿಯುತ್ತಿದ್ದೇನೆ. ನನ್ನ ಬೆಳವಣಿಗೆಗೆ ಸ್ಪೂರ್ತಿದಾಯಕ ಶಿಕ್ಷಕರು ಪ್ರೇಮ್ ರಾಜ್ ಸರ್. ನಾನು ಅವರನ್ನು ಪ್ರೀತಿಯಿಂದ ಪ್ರೇಮ್ ಮಾಮ ಎಂದೇ ಕರೆಯುವುದು. ಮಗದೊಮ್ಮೆ ನನ್ನ ಎಲ್ಲಾ ಗುರುವರ್ಯರಿಗೂ ಶಿಕ್ಷಕರ ದಿನಾಚರಣೆಯ ಶುಭಾಶಯಗಳು..... ಧನ್ಯವಾದಗಳೊಂದಿಗೆ ನಿಮ್ಮ ಪ್ರೀತಿಯ ಶಿಷ್ಯೆ....
8ನೇ ತರಗತಿ
ಸರಕಾರಿ ಮಾದರಿ ಉನ್ನತ ಹಿರಿಯ
ಪ್ರಾಥಮಿಕ ಶಾಲೆ, ಉಪ್ಪಿನಂಗಡಿ
ಪುತ್ತೂರು ತಾಲೂಕು, ದಕ್ಷಿಣ ಕನ್ನಡ ಜಿಲ್ಲೆ
*****************************************
ಇವರಿಗೆ ಕೋಪವಂತೂ ತೀರಾ ಕಡಿಮೆ. ಪಾಠವೂ ಕೂಡ ಚೆನ್ನಾಗಿ ಕಲಿಸುತ್ತಿದ್ದರು. ನಾವು ಹುಡುಕಿದರೂ ಸಿಗದ ಅಮೂಲ್ಯ ರತ್ನ. ವಜ್ರ, ಚಿನ್ನ, ಬೆಳ್ಳಿ, ಪ್ಲಾಟಿನಂಗಿಂತಲೂ ಮಿಗಿಲಾದ ವ್ಯಕ್ತಿತ್ವ ಇವರದು. ನಾನೊಮ್ಮೆ ನಿಮಗೆ ತುಳಸಿ ಕೈರಂಗಳ್ ಮೇಡಂ ಗೊತ್ತೇ ಎಂದಾಗ ಹೆಸರು ಕೇಳಿ ಗೊತ್ತಿಲ್ಲ ಆದ್ರೆ ಅಲ್ಲೊಂದು ಪುಸ್ತಕ ಇದೆ ಅದರಲ್ಲಿ ನೋಡಿ ಕೇಳು ಅಂದ್ರು. ನನ್ನ ಪುಣ್ಯ ಅದರಲ್ಲಿ ತುಳಸಿ ಮೇಡಂನ ಫೋಟೋ ನೋಡಿ ಹೇಳಿದ್ರು ಇದು SSLC TEACHERS GROUP ಎಂದು ತಿಳಿಸಿದರು. ನಮ್ಮ ಪ್ರೀತಿಯ ಶಿಕ್ಷಕಿ ಕೇವಲ ಪಾಠ ಮಾತ್ರವಲ್ಲ ; ಶಾಲಾಕಛೇರಿ ಕೆಲಸದಲ್ಲೂ ಸೈ ಎನಿಸಿಕೊಂಡವರು. ಇವರು ತುಂಬಾ ತುಂಬಾ ಶ್ರಮಜೀವಿ. ಪ್ರತಿಯೊಂದು ಕೆಲಸದಲ್ಲೂ ತಾವೇ ಮುಂದು. ಇವರು ಉಡುಪಿಯ ಪಡುಬಿದ್ರಿಯಿಂದ ನಮ್ಮ ಶಾಲೆಯಾದ ಸರಕಾರಿ ಪದವಿ ಪೂರ್ವ ಕಾಲೇಜು ವಾಮದಪದವಿಗೆ ಬರುತ್ತಿದ್ದರು. ಸಮಯದ ಪರಿಜ್ಞಾನವೇ ಇರಲಿಲ್ಲ. ಸಂಜೆ ಗಂಟೆ 5:30ಆದರೂ ಕಛೇರಿ ಕೆಲಸ ಮುಗಿಸಿಯೇ ಮನೆಗೆ ಹೊರಡುತ್ತಿದ್ದರು. ಇವರು ನಮಗೆಲ್ಲಾ ಮಾದರಿಯಾಗಿದ್ದರು. ಈ ಅಮೂಲ್ಯ ವ್ಯಕ್ತಿಯನ್ನು ಬೀಳ್ಕೊಡಬೇಕಾದ ಸಂದರ್ಭ ಬಂದೇಬಿಟ್ಟಿತು. ಇವರ ಮನೆ ಹತ್ತಿರದ ಹಳೆಯಂಗಡಿ ಶಾಲೆಗೆ ವರ್ಗಾವಣೆಗೊಂಡರು. ಅಂದು ಹೇಳತೀರದ ಸಂಕಟ, ದುಃಖ. ಅವರ ಮುಂದೆ ಖುಷಿಯಲ್ಲಿದ್ದು ಮನಸ್ಸಿನೊಳಗೆ ಅತ್ತಿದ್ದೆವು. ಅವರನ್ನು ಕಳಿಸಿಕೊಡಲು ಮನಸ್ಸು ಏಕೋ ಹಿಂಜರಿಯುತ್ತಿತ್ತು. ನಾವು ಅವರಿಗೆ ಹೇಳಿದ ಮಾತೆಂದರೆ ಟೀಚರ್ ಸಮಯ ಸಿಕ್ಕಾಗ ನಮ್ಮ ಶಾಲೆಗೆ ಬನ್ನಿ ಈ ಶಾಲೆ ಸದಾ ನಿಮಗಾಗಿ ಕಾಯು ತ್ತಿರುತ್ತದೆ ಎಂದು. ನನ್ನ ಪ್ರೀತಿಯ ಹಿಂದಿ ಶಿಕ್ಷಕಿಗೆ ಅನಂತ ಅನಂತ ನಮಸ್ಕಾರಗಳು. ಶಿಕ್ಷಕರ ದಿನಾಚರಣೆಯ ಶುಭಾಶಯವನ್ನು ಕೋರುತ್ತಿದ್ದೇನೆ. ಮತ್ತು ನಿಮಗೆ ಮಾದರಿ ಶಿಕ್ಷಕಿ ಎಂಬ ಬಿರುದು ನೀಡಲು ಇಚ್ಛಿಸುತ್ತೇನೆ.
10ನೇ ತರಗತಿ
ಸರಕಾರಿ ಪದವಿ ಪೂರ್ವ ಕಾಲೇಜು
(ಫ್ರೌಢಶಾಲಾ ವಿಭಾಗ) ವಾಮದ ಪದವು.
ಬಂಟ್ವಾಳ ತಾಲೂಕು, ದಕ್ಷಿಣ ಕನ್ನಡ ಜಿಲ್ಲೆ
*****************************************
ತತ್ತ್ವ ಮಾಲಾ ವಿಭೂಷಿತಮ್ ।
ಚ ತಸ್ಮೈ ಶ್ರೀ ಗುರ್ವೇ ನಮಃ ।"
ಎಂಬ ಮಾತಿನಂತೆ ಜ್ಞಾನದ ಶಕ್ತಿಯಿಂದ ಮೇಲೇರಿ ತತ್ವಗಳ ಮಾಲೆಯನ್ನು ಅಲಂಕರಿಸಿ ಎಲ್ಲ ಸಂತೋಷ ಮತ್ತು ಮುಕ್ತಿಯನ್ನು ದಯಪಾಲಿಸುವ ಆಧ್ಯಾತ್ಮಿಕ ಗುರುವಿಗೆ ನನ್ನ ಗೌರವ ಪೂರ್ವಕ ನಮನಗಳನ್ನು ಸಲ್ಲಿಸುತ್ತಿದ್ದೇನೆ.
"ಸೃಜನಶೀಲ ಅಭಿವ್ಯಕ್ತಿ ಮತ್ತು ಜ್ಞಾನದಲ್ಲಿ ಸಂತೋಷವನ್ನು ಜಾಗೃತಿಗಳಿಸುವುದು ಶಿಕ್ಷಕರ ಕಲೆ" ಎಂಬುದನ್ನ ಆಲ್ಬರ್ಟ್ ಐನ್ಸ್ಟ ನ್ ಸರಿಯಾಗಿಯೇ ಹೇಳಿದ್ದಾರೆ. ಶಿಕ್ಷಕರು ಇಲ್ಲದಿದ್ದರೆ ನಾವು ಹೇಗಿರುತ್ತಿದ್ದೆವೋ ತಿಳಿದಿಲ್ಲ ವಿದ್ಯಾರ್ಥಿಗಳಲ್ಲಿ ಸ್ಪೂರ್ತಿಯನ್ನು ತುಂಬಿ ವಿದ್ಯೆಯನ್ನು ಕಲಿಸಿ ಜೀವನದ ಗುರಿಗೆ ಮಾರ್ಗದರ್ಶನ ನೀಡುವವರು ಶಿಕ್ಷಕರು ಅಂತಹ ಮಾರ್ಗದರ್ಶಕರಿಗೆ ಗೌರವ ನೀಡಿ ಧನ್ಯವಾದಗಳು ನಮ್ಮ ಕರ್ತವ್ಯವಾಗಿದೆ.
ಯಾವುದೇ ವ್ಯಕ್ತಿಯ ಸಾಧನೆಯಲ್ಲಿ ಮಾರ್ಗದರ್ಶಕರು ಇದ್ದೇ ಇರುತ್ತಾರೆ. ಆ ಪಾತ್ರದಲ್ಲಿ ಶಿಕ್ಷಕರು ಎಲ್ಲರ ಜೀವನದಲ್ಲಿ ಮುಖ್ಯ ಪಾತ್ರವನ್ನು ವಹಿಸುತ್ತಾರೆ. ಶಿಕ್ಷಕರು ವಿದ್ಯಾರ್ಥಿಗಳು ಮಾಡುವ ತಪ್ಪುಗಳನ್ನು ಕ್ಷಮಿಸಿ ತಿದ್ದಿ ತೀಡಿ ಬುದ್ಧಿಯನ್ನು ಹೇಳುತ್ತಾರೆ.
ನಮ್ಮ ಕಲಿಕೆಯ ಜೊತೆ ಶಿಕ್ಷಕರು ಮಕ್ಕಳಾಗಿ ಒಳ್ಳೆಯ ಸ್ನೇಹಿತರಾಗುತ್ತಾರೆ. ನಾಯಕತ್ವ, ಸತ್ಯ ,ತಾಳ್ಮೆ ಹೀಗೆ ಹಲವಾರು ಮೌಲ್ಯಗಳನ್ನು ತಿಳಿಸಿಕೊಡುತ್ತಾರೆ. ನಾವು ಯಾರನ್ನು ಮರೆತರು ಕಲಿಸಿದ ಗುರುವನ್ನು ಎಂದಿಗೂ ಮರೆಯಬಾರದು ನನ್ನ ಜೀವನದಲ್ಲಿ ಪ್ರತಿಯೊಬ್ಬ ಶಿಕ್ಷಕರು ಮುಖ್ಯ ಪಾತ್ರವನ್ನು ವಹಿಸಿದ್ದಾರೆ. ಪ್ರತಿಯೊಬ್ಬ ಶಿಕ್ಷಕರಿಂದಲೂ ಹಲವಾರು ವಿಷಯಗಳನ್ನು, ಮೌಲ್ಯಗಳನ್ನು ಕಲಿತಿದ್ದೇನೆ. ನಮ್ಮ ದೈಹಿಕ ಶಿಕ್ಷಕರಾದ ವಿದ್ಯಾಲತಾ ಮೇಡಂರವರು ಹೋದ ವರ್ಷ ವಿದ್ಯಾರ್ಥಿಗಳಿಗೆ ನಡೆದ ಖೋಖೋ ಪಂದ್ಯಾಟದಲ್ಲಿ ತಾಲೂಕು ಮಟ್ಟದಲ್ಲಿ ಎರಡನೇ ಸ್ಥಾನ ಪಡೆದು ಜಿಲ್ಲಾ ಮಟ್ಟಕ್ಕೆ ಆಯ್ಕೆಯಾಗದಿದ್ದಾಗ ತಮ್ಮ ಧೈರ್ಯವನ್ನು ಕಳೆದುಕೊಳ್ಳದೇ ವಿದ್ಯಾರ್ಥಿಗಳಿಗೆ ಉತ್ತಮವಾಗಿ ತರಬೇತಿಯನ್ನು ಕೊಟ್ಟು ವಿದ್ಯಾರ್ಥಿಗಳು ಈ ವರ್ಷ ತಾಲೂಕು ಮಟ್ಟದಲ್ಲಿ ಮೊದಲನೇ ಸ್ಥಾನ ಪಡೆದು ಜಿಲ್ಲಾ ಮಟ್ಟಕ್ಕೆ ಆಯ್ಕೆಯಾಗಿ ನಮ್ಮ ಶಾಲೆಯನ್ನು ಗುರುತಿಸಿ, ಶಾಲೆ ಕೀರ್ತಿಯನ್ನು ಹೆಚ್ಚಿಸಿದ್ದಾರೆ. ಹೀಗೆ ನಮ್ಮ ಜೀವನದಲ್ಲಿ ಎದುರಾಗುವ ಸವಾಲುಗಳನ್ನು ಎದುರಿಸಿ ಎದೆಗುಂದದೆ ಧೈರ್ಯದಿಂದ ಮುನ್ನಡೆಯಬೇಕು ಎಂದು ತಿಳಿಸಿಕೊಟ್ಟಿದ್ದಾರೆ. ಹೀಗೆ ಪ್ರತಿಯೊಬ್ಬ ಶಿಕ್ಷಕರಿಂದಲೂ ಕಲಿಯಬೇಕಾದದ್ದು ತುಂಬಾ ಇದೆ. ಕೇವಲ ಪುಸ್ತಕ ಜ್ಞಾನವಿದ್ದರೆ ಮಾತ್ರ ಸಾಲದು ಪ್ರಪಂಚಜ್ಞಾನ ಇರಬೇಕು ಎಂದು ರಸಪ್ರಶ್ನೆ ಮುಂತಾದ ಸ್ಪರ್ಧೆಗಳನ್ನು ಏರ್ಪಡಿಸಿ ನಮ್ಮ ಜ್ಞಾನವನ್ನು ಹೆಚ್ಚಿಸುತ್ತಾರೆ.
ನಮ್ಮ ವ್ಯಕ್ತಿತ್ವವನ್ನು ರೂಪಿಸಿ ನಮ್ಮ ಸಾಧನೆಯನ್ನು ಕಂಡು ಮೊದಲು ಮೆಚ್ಚುಗೆ ವ್ಯಕ್ತಪಡಿಸುವವರೇ ಶಿಕ್ಷಕರು. "ಗುರುವಿನ ಗುಲಾಮನಾಗುವ ತನಕ ದೊರೆಯದಣ್ಣ ಮುಕುತಿ" ಎಂಬ ನಂಬಿಕೆಯ ತಳಹದಿಯಲ್ಲಿ ನಮ್ಮ ಬದುಕು ಸಾಗುತ್ತಿದೆ. ಈ ಮಾತು ಪ್ರತಿಯೊಬ್ಬರ ಬಾಳಿನಲ್ಲಿ ಗುರುಗಳ ಸ್ಥಾನ ಎಂತಹದ್ದು ಎಂಬುದಕ್ಕೆ ಸಾಕ್ಷಿ. ಗುರು ದೇವೋ ಭವ ಎಂಬ ಮಾತನ್ನು ಸ್ಮರಿಸಿಕೊಂಡು ನನಗೆ ವಿದ್ಯೆ ಕಲಿಸಿದ ಎಲ್ಲಾ ಗುರುಗಳಿಗೆ ಶಿಕ್ಷಕರ ದಿನಾಚರಣೆಯ ಶುಭಾಶಯಗಳನ್ನು ಹೇಳುತ್ತಿದ್ದೇನೆ.
10ನೇ ತರಗತಿ
ಸರಕಾರಿ ಪ್ರೌಢಶಾಲೆ ಬಡಗ ಎಕ್ಕಾರು
ಮಂಗಳೂರು, ದಕ್ಷಿಣ ಕನ್ನಡ ಜಿಲ್ಲೆ
*****************************************
ಜೀವ ಕೊಟ್ಟವರು ಹೆತ್ತವರಾದರೂ ಜೀವನದ ಪಾಠ ಹೇಳಿಕೊಟ್ಟವರು ಶಿಕ್ಷಕರು. ತಪ್ಪು ದಾರಿ ತಡೆದು ಸರಿದಾರಿಗೆ ತಂದವರು ಶಿಕ್ಷಕರು. ಪೋಷಕರಂತೆ ಪ್ರೀತಿ ತೋರಿಸಿ ಸ್ನೇಹಿತರಂತೆ ಜೊತೆಗೂಡಿ ಸೋಲು ಗೆಲುವಿಗೆ ಧೈರ್ಯ ತುಂಬಿದ ನನ್ನ ಗುರುಗಳಿಗೆ ನಮನ ಹೇಳಲೇಬೇಕು. ಪ್ರೈಮರಿ ವಿದ್ಯಾಭ್ಯಾಸ ಮುಗಿಸಿ ಹೈಸ್ಕೂಲ್ ಗೆ ಹೋದಾಗ ನನಗೆ ಎಲ್ಲೋ ಒಂದು ಕಡೆ ಭಯ ಬೇಸರ ಇತ್ತು. ಆದರೆ ಅಲ್ಲಿ ಶಿಕ್ಷಕರು ನನ್ನ ನಿರೀಕ್ಷೆಗೆ ಮೀರಿದ ಶಿಕ್ಷಕರಾಗಿದ್ದರು. ನನ್ನ ಜೀವನದ ಅತಿ ದೊಡ್ಡ ಸ್ಪೂರ್ತಿ ಎಂದರೆ ಹೈಸ್ಕೂಲ್ ಶಿಕ್ಷಕರು. ಇವರನ್ನು ನಾನು ಯಾವ ಕಡೆ ಮುಂದಿನ ವಿದ್ಯಾಭ್ಯಾಸಕ್ಕೆ ಹೋದರೂ ಮರೆಯಲಾಗದ ನೆನಪು. ಶಿಕ್ಷಕರಾದರೆ ಇವರಂತೆ ಇರಬೇಕು ಎಂದು ಭಾವಿಸುತ್ತೇನೆ. ಇವರು ನನ್ನ ಜೀವನದ ಕೇವಲ ವಿದ್ಯಾಭ್ಯಾಸದ ಮೇಲೆ ಪರಿಣಾಮ ಬೀರಲಿಲ್ಲ, ಪ್ರತಿಯೊಂದು ವಿಷಯದ ಮೇಲೂ ಪ್ರಭಾವ ಬೀರಿದವರು. ನಾರ್ಶ ಮೈದಾನದ ಪ್ರೌಢಶಾಲಾ ಶಿಕ್ಷಕರು ಎಂದು ಹೆಮ್ಮೆಯಿಂದ ಹೇಳುತ್ತೇನೆ.
ನನ್ನ ಪ್ರೀತಿಯ ಶಿಕ್ಷಕ ಶಿಕ್ಷಕಿಯರಾದ ಭಾರತಿ ಟೀಚರ್ , ಲತಾ ಟೀಚರ್ , ಶರತ್ ಸರ್ , ಶುಭ ಟೀಚರ್ , ಸರೋಜ ಟೀಚರ್ , ಗೋಪಾಲಕೃಷ್ಣ ಸರ್ , ರಫೀಕ್ ಸರ್ , ಅನಿಲ್ ಸರ್ ಇವರೆಲ್ಲಾರು ಕೇವಲ ಶಿಕ್ಷಕರಾಗದೆ ತಂದೆ ತಾಯಿಯ ಸ್ಥಾನದಲ್ಲಿ, ಸ್ನೇಹಿತರಾಗಿ, ಗುರುಗಳ ಪಾತ್ರ ವಹಿಸಿದವರು. ನನಗೆ ಅನಾರೋಗ್ಯದಿಂದ ಇದ್ದ ಸಮಯದಲ್ಲಿ ಶಾಲೆಗೆ ಹೋಗಲು ಅನುಕೂಲವಿಲ್ಲದಿದ್ದಾಗ ಅಂತಿಮವಾದ ಪಬ್ಲಿಕ್ ಪರೀಕ್ಷೆಯ ಸಮಯದಲ್ಲಿ ಪೋಷಕರು ನಿರಾಕರಿಸಿದಾಗ ನನ್ನ ಪ್ರೀತಿಯ ಶಿಕ್ಷಕರ ಧೈರ್ಯ ಕಾಳಜಿ ಅವರ ಪ್ರೀತಿ ನಂಬಿಕೆ ಭರವಸೆಯ ಮುಂದೆ ನನಗೆ ಯಾವುದೂ ಲೆಕ್ಕಕ್ಕಿಲ್ಲದೆ ಶಾಲೆಗೆ ಹೋದ ನೆನಪು ಇವತ್ತಿಗೂ ಕಾಡುತ್ತಿದೆ. ಇಂತಹಾ ಶಿಕ್ಷಕರನ್ನು ಮರೆಯಲು ಸಾಧ್ಯವೇ....? ಕೇವಲ ಶಿಕ್ಷಕರಾಗಿ ಕೆಲಸ ನಿರ್ವಹಿಸದೆ ಸ್ವಂತ ಮಕ್ಕಳ ಬಗ್ಗೆ ಹೇಗೆ ತಂದೆ ತಾಯಿಯರು ನಿರೀಕ್ಷೆಗಳನ್ನು ಇಡುತ್ತಾರೆಯೋ ಹಾಗೆ ಸ್ವತಹ ಮಕ್ಕಳ ಹಾಗೆ ನಮ್ಮನ್ನು ಕಂಡವರು. ಹತ್ತನೇ ತರಗತಿಯ ಪಬ್ಲಿಕ್ ಪರೀಕ್ಷೆಯ ಸಮಯದಲ್ಲಿ ಅವರ ಸಮಯವನ್ನು ನಮ್ಮೊಂದಿಗೆ ಕಳೆದು ನಮಗೆ ಪ್ರೇರಣೆಯನ್ನು ಕೊಟ್ಟು ನಮ್ಮೊಂದಿಗೆ ಅವರು ಮಕ್ಕಳಾಗಿ ಬೆರೆತು ಉತ್ತಮ ರೀತಿಯಲ್ಲಿ ಉತ್ತೀರ್ಣರಾಗಿಸಿದವರು. ಶಿಕ್ಷಕರೆಂದರೆ ನಮ್ಮ ನಾರ್ಶ ಮೈದಾನದ ಶಿಕ್ಷಕರಂತೆ ಇರಬೇಕು ಎಂದು ಹೆಮ್ಮೆಯಿಂದ ಹೇಳುತ್ತೇನೆ. ನನ್ನ ಪಿಯುಸಿ ವಿದ್ಯಾಭ್ಯಾಸ ಬೇರೆ ಕಾಲೇಜ್ ನಲ್ಲಿ ಮುಂದುವರಿಸುತಿದ್ದರೂ ನನ್ನ ಹೈಸ್ಕೂಲ್ ಶಿಕ್ಷಕರ ಬಗ್ಗೆ ನೆನಪನ್ನು ಹಸಿರಾಗಿಸಿದ ಮಕ್ಕಳ ಜಗಲಿಯ ತಾರನಾಥ್ ಕೈರಂಗಳ ಸರ್ ಅವರಿಗೂ ಶಿಕ್ಷಕರ ದಿನಾಚರಣೆಯ ಶುಭಾಶಯಗಳು. ನನ್ನ ಒಂದನೇ ತರಗತಿಯಿಂದ ಪಿಯುಸಿ ವರೆಗಿನ ಎಲ್ಲಾ ಅಧ್ಯಾಪಕರಿಗೂ ಶಿಕ್ಷಕರ ದಿನಾಚರಣೆಯ ಶುಭಾಶಯಗಳು....
ಪ್ರಥಮ ಪಿಯುಸಿ
ಅನುಗ್ರಹ ವುಮೆನ್ಸ್ ಕಾಲೇಜ್ ಕಲ್ಲಡ್ಕ
ಬಂಟ್ವಾಳ ತಾಲೂಕು, ದಕ್ಷಿಣ ಕನ್ನಡ ಜಿಲ್ಲೆ
******************************************
8ನೇ ತರಗತಿ.
ತರಳಬಾಳು ಸಿ ಬಿ ಎಸ್ ಸಿ ಸ್ಕೂಲ್
ಸಿರಿಗೆರೆ , ಚಿತ್ರದುರ್ಗ(ತಾ & ಜಿ)
******************************************
ಗುರು ಬ್ರಹ್ಮ , ಗುರು ವಿಷ್ಣು
ಗುರುದೇವ ಮಹೇಶ್ವರಹಃ
ಗುರು ಸಾಕ್ಷಾತ್ ಪರಬ್ರಹ್ಮ,
ತಸ್ಮೈಶ್ರೀ ಗುರುವೇ ನಮಃ...
ಗುರುಭ್ಯೋ ನಮಃ
10 ನೇ ತರಗತಿ
ಸರಕಾರಿ ಪ್ರೌಢಶಾಲೆ ತೋರಣಗಲ್ಲು
ಸಂಡೂರು ತಾಲೂಕು, ಬಳ್ಳಾರಿ ಜಿಲ್ಲೆ
*****************************************
ಬದಲಾವಣೆಗೆ ಕಾರಣರಾಗಿರುವ ಕುಂದಾಪುರ ತಾಲೂಕಿನ ಸಿದ್ದಾಪುರದ ಸರಸ್ವತಿ ವಿದ್ಯಾಲಯದ ಶಾಲೆಯ ಶಿಕ್ಷಕಿಯರು. ಶಿಕ್ಷಕರೆಂದರೆ ಪಾಠ ಬೋಧಿಸುವವರು ಮಾತ್ರವಲ್ಲ, ಸನ್ಮಾರ್ಗದಲ್ಲಿ ನಡೆಯುವಂತೆ ದಾರಿ ತೋರುವ ಮಾರ್ಗದರ್ಶಕರು. ಕಲ್ಲನ್ನು ಶಿಲ್ಪವನ್ನಾಗಿಸಿದವರು. ಪಠ್ಯದ ಜೊತೆಗೆ ಜೀವನ ಮೌಲ್ಯ ತುಂಬುವ ಗುರುಗಳು. ಗುರುಗಳು ಎಂಬ
ಪದದ ಅರ್ಥವೇ ಸೂಚಿಸುವಂತೆ "ಗು" ಎಂದರೆ ಅಂಧಕಾರ ಮತ್ತು "ರು" ಎಂದರೆ ದೂರವಾಗಿಸುವವರು. ಹಾಗೆಯೇ ನನ್ನ ನೆಚ್ಚಿನ ಶಿಕ್ಷಕರೆಂದರೆ ಸಿದ್ದಾಪುರ ಸರಸ್ವತಿ ಶಾಲೆಯ ಪ್ರಜ್ಞಾ ಮಿಸ್ ಮತ್ತು ಸ್ಮಿತಾ ಮಿಸ್. ಅವರೆಂದರೆ ನಮ್ಮ ತರಗತಿಯ ಎಲ್ಲರಿಗೂ ಒಂದು ರೀತಿಯ ಭಯ. ಇವರು ಉತ್ತಮವಾಗಿ ಮಾತ್ರವಲ್ಲದೆ ಅವರ ಅತ್ಯುತ್ತಮ ಬೋಧನಾ ಶೈಲಿ ಗಾಂಭೀರ್ಯತೆ, ತರಗತಿ ಹೊರಗಿನ ಬಾಂಧವ್ಯ, ಪ್ರೀತಿ, ಮಿತ್ರರಂತೆ ಮಾತನಾಡಿಸುವ ಮನೋಭಾವ, ಕರುಣೆ ಸಹನೆಯ ಗುಣ. ಇಷ್ಟು ಮಾತ್ರವಲ್ಲದೆ, ಅವರು ನಾನು ಮಾಡಿದ ತಪ್ಪು ಕೆಲಸವನ್ನು ಗುರುತಿಸಿ ಆ ಕ್ಷಣವೇ ಸರಿಪಡಿಸುವಂತೆ ನನ್ನನ್ನು ಪ್ರೇರೇಪಿಸುತ್ತಾರೆ. ಹಾಗಾಗಿ ನಾನು ಇವತ್ತು ನನ್ನ ವಿದ್ಯಾರ್ಥಿ ದೆಸೆಯಲ್ಲಿ ಪಾಠದ ವಿಷಯವೇ ಆಗಿರಲಿ, ಬೇರೆ ವಿಷಯವೇ ಆಗಿರಲಿ, ಅದನ್ನು ನಾನೇ ತಿದ್ದಿಕೊಂಡು ಸರಿಪಡಿಸಲು ಅವರು ಆ ದಿನಗಳಲ್ಲಿ ನೀಡಿದ ಸಲಹೆ ಸೂಚನೆ ಮಾರ್ಗದರ್ಶನಗಳೇ ನನಗೆ ಇಂದಿನ ದಿನಗಳಲ್ಲಿ ಪ್ರೇರಣೆಯಾಗಿದೆ. ಇವರಿಬ್ಬರೂ ನನಗೆ ಪತ್ಯೇತರ ಚಟುವಟಿಕೆಯಲ್ಲಿ ಅವರಂತೆ ಭಾಗವಹಿಸಲು ಉತ್ತೇಜನ ನೀಡಿದವರು. ಹಾಗಾಗಿ ನಾನು ಇವರಿಬ್ಬರನ್ನು ಯಾವತ್ತೂ ನನ್ನ ಜೀವನದಲ್ಲಿ ಮರೆಯುವುದಿಲ್ಲ. ಇವರಿಬ್ಬರೂ ನನಗೆ ಜೀವನದಲ್ಲಿ
ಒಳ್ಳೆಯ ಹಾದಿಯನ್ನು ತೋರಿಸಿದವರು.
ವಂದನೆಗಳೊಂದಗೆ
5ನೇತರಗತಿ
ದುರ್ಗಾ ಆಂಗ್ಲ ಮಾಧ್ಯಮ ಶಾಲೆ ಕೊಕ್ಕರ್ಣೆ
ಬ್ರಹ್ಮಾವರ ತಾಲೂಕು, ಉಡುಪಿ ಜಿಲ್ಲೆ
******************************************
9ನೇ ತರಗತಿ
ಸರಕಾರಿ ಪ್ರೌಢಶಾಲೆ ಕೊಕ್ರಾಡಿ
ಬೆಳ್ತಂಗಡಿ ತಾಲೂಕು, ದಕ್ಷಿಣ ಕನ್ನಡ ಜಿಲ್ಲೆ
******************************************
ನಾನು ಇಂದು ಒಬ್ಬ ರಾಜ್ಯಮಟ್ಟದ ಚಿತ್ರಕಲೆಗಾರ. ಅದಕ್ಕೆ ಕಾರಣ ಇವರೇ, ಚಿತ್ರಕಲೆಯಲ್ಲಿ ನನ್ನ ತಪ್ಪುಗಳ ವಿಮರ್ಶೆ ಮಾಡಿ, ಸ್ಥಳೀಯ ಹಾಗೂ ತಾಲೂಕುಮಟ್ಟ ಜಿಲ್ಲಾಮಟ್ಟಗಳಲ್ಲಿ ಸ್ಪರ್ಧಿಸಿ, ನಾನು ರಾಜ್ಯಮಟ್ಟದಲ್ಲಿ ದ್ವಿತೀಯ ಬಹುಮಾನ ಹಾಗೂ ₹8,500 ಪಡೆಯಲು ಸಹಕಾರಿಯಾಯಿತು. ಹಾಗೂ ಸಾರ್ವಜನಿಕ ಶಿಕ್ಷಣ ಇಲಾಖೆ ನನ್ನನ್ನು ಗುರ್ತಿಸಿ ₹10.000 ಸಹಾಯಧನ ನೀಡಿರುತ್ತಾರೆ. ಇವೆಲ್ಲದಕ್ಕೂ ನನ್ನ ಟೀಚರಾದ ಶೋಭಾ ಮೆಮ್ ರವರೇ ಕಾರಣ, ಎಂದು ನಾನು ಸ್ಮರಿಸುತ್ತೇನೆ, ಈ ಮೂಲಕ ಅವರಿಗೆ ಗೌರವ ಸಮರ್ಪಿಸುತ್ತೇನೆ.
9ನೇತರಗತಿ
ಸರ್ಕಾರಿ ಪ್ರೌಢಶಾಲೆ ಅರ್ಕೇಶ್ವರ ನಗರ
ಗುತ್ತಲು, ಮಂಡ್ಯ ಜಿಲ್ಲೆ
******************************************
6ನೇ ತರಗತಿ.
ಸೆಕ್ರೆಡ್ ಹಾರ್ಟ್ ಆಂಗ್ಲ ಮಾದ್ಯಮ
ಶಾಲೆ, ಮಡಂತ್ಯಾರು
ಬೆಳ್ತಂಗಡಿ ತಾಲೂಕು, ದಕ್ಷಿಣ ಕನ್ನಡ ಜಿಲ್ಲೆ.
******************************************
ಪಾಠದ ವಿವರಣೆ, ಅಂಶಗಳು ಸಂಯುಕ್ತವಾಗಿ ಬಿಡಿಸಿ ಮನ ಮುಟ್ಟುವಂತೆ ವಿವರಿಸುತ್ತಾರೆ. ನಾನು ಕಂಡ ಹಾಗೆ ನಮ್ಮ ಮಿಸ್ ಎಲ್ಲಾ ವಿದ್ಯಾರ್ಥಿಗಳನ್ನು ಒಂದೇ ಭಾವದಿಂದ ಪ್ರೀತಿಸುತ್ತಾರೆ. ಎಲ್ಲಾ ವಿದ್ಯಾರ್ಥಿಗಳಿಗೆ ಅವರೆಂದರೆ ತಂಬಾ...... ಪ್ರೀತಿ. ಇದಲ್ಲದೆ ಅವರು ಎಲ್ಲಾ ವಿದ್ಯಾರ್ಥಿಗಳ ಪೋಷಕರನ್ನು ಪ್ರೀತಿಯಿಂದ ಮಾತನಾಡಿಸುತ್ತಾರೆ. ಮಕ್ಕಳ ಚಟುವಟಿಕೆಗಳನ್ನು ಗುರುತಿಸಿ ಬೆಂಬಲ, ಪ್ರೋತ್ಸಾಹ ನೀಡುತ್ತಾರೆ. ನಮ್ಮ ಮಿಸ್ ಯಾವಾಗಲೂ ನಗುತ್ತಲೇ ಆರೋಗ್ಯದಿಂದ ಇರಲಿ ಎಂದು ಬೇಡುತ್ತೇನೆ. ಇಂತಹ ಮಿಸ್ ಸಿಕ್ಕಿದ ನಾವೇ ಧನ್ಯರು. ಧನ್ಯವಾದಗಳು.
8ನೇ ತರಗತಿ
ದ. ಕ. ಜಿ. ಪಂ. ಹಿರಿಯ
ಪ್ರಾಥಮಿಕ ಶಾಲೆ ಕಲ್ಲಡ್ಕ
ಬಂಟ್ವಾಳ ತಾಲೂಕು, ದಕ್ಷಿಣ ಕನ್ನಡ ಜಿಲ್ಲೆ
******************************************
ಗುರು ದೇವೋ ಮಹೇಶ್ವರ
ಗುರು ಸಾಕ್ಷಾತ್ ಪರಬ್ರಹ್ಮ ,
ತಸ್ಮೈ ಶ್ರೀಗುರುವೇ ನಮಃ"
ನಮ್ಮ ಸಂಸ್ಕೃತಿಯಲ್ಲಿ ಗುರುಗಳನ್ನು ದೇವರ ಸಮಾನ ಹೋಲಿಸಲಾಗಿದೆ. ಪ್ರತಿಯೊಬ್ಬ ವಿದ್ಯಾರ್ಥಿಯ ಜೀವನದಲ್ಲಿ ಗುರುಗಳ ಪಾತ್ರ ಮಹತ್ವದದ್ದಾಗಿದೆ. ಶಿಕ್ಷಕರು ವಿದ್ಯಾರ್ಥಿಗಳನ್ನು ಕತ್ತಲಿನಿಂದ ಜ್ಞಾನವೆಂಬ ಬೆಳಕಿನೆಡೆಗೆ ಕರೆದೊಯ್ಯುವಲ್ಲಿ ಗುರುಗಳ ಪಾತ್ರ ಮಹತ್ತರವಾಗಿದೆ. ಮುಂದಿನ ಜನಾಂಗದ ಶಿಲ್ಪಿಗಳನ್ನು ನಿರ್ಮಿಸುವಲ್ಲಿ ಮಹತ್ವದ ಪಾತ್ರ ವಹಿಸುತ್ತಾರೆ. ಶಿಕ್ಷಕರ ಪ್ರತಿಯೊಂದು ಮಾತು ನಮಗೆ ಪ್ರೇರಣೆ, ಉತ್ಸಾಹಗಳನ್ನು ನೀಡುತ್ತದೆ. ಕಲಿಕೆಯಲ್ಲಿ ಎಡವಿದಾಗ ಯಾವುದಾದರೂ ವಿಷಯದಲ್ಲಿ ಹಿಂದೆ ಬಿದ್ದಾಗ ಅವರ ಮಾತುಗಳಿಂದ ನಮ್ಮನ್ನು ಹುರಿದುಂಬಿಸಿ "ನಿನ್ನ ಕೈಯಲ್ಲಿ ಸಾಧ್ಯವಾಗುತ್ತೆ ನಿನ್ನಿಂದ ಯಾವುದು ಅಸಾಧ್ಯವಿಲ್ಲ" ಎಂದು ಹುರಿದುಂಬಿಸಿ ನಮ್ಮನ್ನು ಮುಂದೆ ಬಂದು ಮಾತನಾಡಲು ಧೈರ್ಯದಿಂದ ಸವಾಲುಗಳನ್ನು ಎದುರಿಸಲು ಪ್ರೇರಣೆ, ಸ್ಪೂರ್ತಿಯನ್ನು ನೀಡುತ್ತಾರೆ ನಾನು ಮೂರನೇ ತರಗತಿಯಲ್ಲಿರುವಾಗ ಮುಂದೆ ಬಂದು ವೇದಿಕೆ ಮೇಲೆ ನಿಂತು ಮಾತನಾಡಲು ಭಯವಾಗುತ್ತಿತ್ತು. ಆಗ ನನಗೆ ಧೈರ್ಯ ನೀಡಿ "ನಿನ್ನಿಂದ ಸಾಧ್ಯ. ನಿನ್ನ ಧ್ವನಿ ತುಂಬಾ ಚೆನ್ನಾಗಿದೆ. ಭಾಷಣ ಚೆನ್ನಾಗಿ ಮಾಡ್ತೀಯಾ. ನೀನು ಹೆದರಬೇಡ" ಎಂದು ಹುರಿದುಂಬಿಸಿ ವೇದಿಕೆ ಮೇಲೆ ನಿಂತು ಮಾತನಾಡಲು ಸ್ಪೂರ್ತಿ ನೀಡಿದರು. ಈಗಲೂ ನಾನು ಭಯವಿಲ್ಲದೆ ಮುಂದೆ ನಿಂತು ಮಾತನಾಡಲು ಅದೇ ಮೇಡಂ ಕಾರಣ ನನ್ನ ಎಲ್ಲಾ ಪ್ರಾಥಮಿಕ ಶಿಕ್ಷಕರಿಂದ ನಾನು ಹಲವಾರು ವಿಷಯಗಳಲ್ಲಿ ಕಲಿತಿದ್ದೇನೆ. ಹಾಗೆಯೇ ಪ್ರೌಢಶಾಲಾ ಶಿಕ್ಷಕರು ಜೀವನದಲ್ಲಿ ಒಳ್ಳೆಯ ಮಾರ್ಗದಲ್ಲಿ ನಡೆದು ಯಶಸ್ಸು ಗಳಿಸುವ ದಾರಿಗಳನ್ನು ಹೇಳಿದ್ದಾರೆ. 'ಪರೀಕ್ಷೆಯಲ್ಲಿ ಫೇಲಾದರೂ ಜೀವನದಲ್ಲಿ ಫೇಲಾಗಬೇಡಿ ' ಎಂದು ಹೇಳಿ ನಮ್ಮ ಎಲ್ಲಾ ಪ್ರತಿಭೆಗಳಿಗೆ ಫ್ರೋತ್ಸಾಹ ನೀಡಿ ನಮ್ಮ ಸರ್ವಾಂಗೀಣ ಬೆಳವಣಿಗೆಗೆ ಕಾರಣರಾದ ನನ್ನ ಎಲ್ಲಾ ಗುರುವೃಂದಕ್ಕೆ ಧನ್ಯವಾದಗಳು 'ನಿಮ್ಮ ಪ್ರೋತ್ಸಾಹ , ಆಶೀರ್ವಾದ ಹೀಗೆ ಇರಲಿ. ಧನ್ಯವಾದಗಳು...
ಪ್ರಥಮ ಪಿಯುಸಿ
ಗೋವಿಂದದಾಸ ಪ್ರಿ- ಯೂನಿವರ್ಸಿಟಿ
ಕಾಲೇಜು, ಸುರತ್ಕಲ್
ಮಂಗಳೂರು, ದಕ್ಷಿಣ ಕನ್ನಡ ಜಿಲ್ಲೆ
******************************************
