ಶಿಕ್ಷಕರ ದಿನಾಚರಣೆಯ ವಿಶೇಷ ಲೇಖನ : ಗುರು-ಶಿಷ್ಯ
Sunday, September 4, 2022
Edit
ರಾಜ್ಯಪ್ರಶಸ್ತಿ ಪುರಸ್ಕೃತ ನಿವೃತ್ತ ಅಧ್ಯಾಪಕರು
ಬಂಟ್ವಾಳ ತಾಲೂಕು , ದಕ್ಷಿಣ ಕನ್ನಡ ಜಿಲ್ಲೆ
ಮೊಬೈಲ್ ಸಂಖ್ಯೆ : +91 94486 26093
ಶಿಕ್ಷಕರ ದಿನಾಚರಣೆಯ ವಿಶೇಷ ಲೇಖನ : ಗುರು-ಶಿಷ್ಯ
ಮನೆಯೇ ಮೊದಲ ಪಾಠ ಶಾಲೆ, ಜನನಿ ತಾನೇ ಮೊದಲ ಗುರುವು ಎಂಬ ಮಾತೂ ಇದೆ. ವ್ಯಕ್ತಿಯೊಬ್ಬನಿಗೆ ಶಾಲೆಯಲ್ಲಿ ಪಾಠ ಹೇಳಿದವರು ಮಾತ್ರವೇ ಗುರುವಾಗಿರುವುದಲ್ಲ. “ಸಾರಾಯದಾ ದಾರಿಯನು ತೋರುವವರೆಲ್ಲರೂ ಗುರು” ಎಂಬುದು ಸರ್ವಜ್ಞ ವಾಣಿ. ಮಹಾತ್ಮಾ ಗಾಂಧೀಜಿ, ಛತ್ರಪತಿ ಶಿವಾಜಿ, ಭೀಮಾರಾವ್ ಅಂಬೇಡ್ಕರ್, ಸ್ವಾಮೀ ವಿವೇಕಾನಂದ ಮುಂತಾದವರೆಲ್ಲರೂ ತಾಯಿಯಿಂದ ಪ್ರೇರಣೆ ಪಡೆದವರು. ರಾಮಕೃಷ್ಣ ಪರಹಂಸರಂತಹ ಗುರುಗಳು ವಿವೇಕಾನಂದರಂತಹ ದೃಷ್ಟಾರರನ್ನು ಸೃಷ್ಟಿಸಿದರು. ವಿದ್ಯಾರ್ಥಿಗಳು ನಾವು ಹೇಳಿದುನ್ನು ಕೇಳ ಬೇಕಾದವರು, ಸಂಬಳ ಪಡೆಯಲಿಕ್ಕಿರುವವರು ನಾವು ಎಂಬ ಮನೋಭಾವದಿಂದ ಹೊರಬಂದು ತ್ಯಾಗದ ಮನೋಭಾವದಿಂದ ಜೀವನವನ್ನು ಶಿಷ್ಯರಿಗೆ ಸಮರ್ಪಣೆ ಮಾಡುವ ಗುರು ಪರಂಪರೆಯೇ ಇಂದಿನ ಬೇಕುಗಳಲ್ಲಿ ಮೊದಲನೇಯದು. ತದೇಕ ಚಿತ್ತದಿಂದ ಸರ್ವ ವಿದ್ಯೆಯನ್ನೂ ತನ್ನದಾಗಿಸಿಕೊಳ್ಳುವ ಮತ್ತು ಅತೀವ ಜ್ಞಾನದಾಹಿಯಾದ ಶಿಷ್ಯ ಪರಂಪರೆಯೂ ಇಂದಿನ ಬೇಕುಗಳಲ್ಲಿ ಎರಡನೇಯದು. ಗುರು ಶಿಷ್ಯ ಜೋಡಿಗಳು ಸಬಲರಾಗುವುದರಿಂದ ದೇಶವು ಎತ್ತರೆತ್ತರಕ್ಕೆ ಏರುವುದರಲ್ಲಿ ಸಂದೇಹವಿಲ್ಲ.
“ವಿದ್ಯಾ ಸಾಹಿತ್ಯ ಸಂಗೀತ ಕಲಾ ವಿಹೀನಃ ಸಾಕ್ಷಾತ್ ಪಶುಃ ಪುಚ್ಛ ವಿಷಾಣ ವಿಹೀನಃ” ಎಂದು ಅನುಭವಿಗಳ ಮಾತಿದೆ. ಶಾಲಾ ಕಾಲೇಜುಗಳಲ್ಲಿ ಓದಿ ಪದವಿಗಳಿಸಿದ ಕೋಡು ಬಾಲಗಳಿಲ್ಲದ ಪಶುಗಳು ನಾವಾಗಬೇಕೇ? ಸಕಲವನ್ನೂ ನಮ್ಮೊಳಗೆ ತುಂಬಿಕೊಂಡು; ಭಾರತವನ್ನು ಬೆಳಗಿಸುವ, ವಿಶ್ವಗುರು ಪಟ್ಟದ ಮಾನ ಸನ್ಮಾನಗಳಿಗೆ ಭಾಜನಗೊಳಿಸುವ ಜ್ಞಾನ ಕೋವಿದ ದೇಶಭಕ್ತರು ನಾವಾಗಬೇಕೇ ಎಂಬ ಚಿಂತನೆ ನಮ್ಮದಾಗಲಿ. ದೇಶ ಕಟ್ಟುವ ವ್ಯಕ್ತಿತ್ವಗಳನ್ನು ರೂಪಿಸುವ ಗುರು-ಶಿಷ್ಯ ಜೋಡಿಗಳು ಅಧಿಕಗೊಳ್ಳುತ್ತಿರಲಿ. ಸುಯೋಗ್ಯ ಗುರು ಶಿಷ್ಯ ಸಂಬಂಧವೇ ದೇಶಕ್ಕೆ ಬಲ.
ರಾಜ್ಯಪ್ರಶಸ್ತಿ ಪುರಸ್ಕೃತ ನಿವೃತ್ತ ಅಧ್ಯಾಪಕರು
“ಸ್ಕಂದ” ಕುಳ ಗ್ರಾಮ
ಬಂಟ್ವಾಳ ತಾಲೂಕು , ದಕ್ಷಿಣ ಕನ್ನಡ ಜಿಲ್ಲೆ
ಮೊಬೈಲ್ ಸಂಖ್ಯೆ : +91 94486 26093
********************************************
