ಪಂಜರದ ಹಕ್ಕಿ, ಯುಗಾದಿ - ಕವನ

ಸುಹಾನ್ ನಾಯಕ್ 8 ನೇ ತರಗತಿ

ಬಿ.ಎಮ್. ಅ.ಹಿ. ಪ್ರಾ.ಶಾಲೆ.ಮೂರೂರು, ಹೀರ್ಗಾನ

ಕಾರ್ಕಳ  ಉಡುಪಿ ಜಿಲ್ಲೆ

                          ಕವನಗಳು

                  ಪಂಜರದ ಹಕ್ಕಿ 

ಸ್ವತಂತ್ರವಾಗಿ ‌‌ಆ‌ಕಾಶದಿ ಹಾರುತಲಿತ್ತು ಹಕ್ಕಿ

ಮಾನವ ಮಾಡಿದ ಅದನು ಪಂಜರದ ಹಕ್ಕಿ...

ಹಂಬಲಿಸುತಿದೆ ಸಂತೋಷ, ಸ್ವಾತಂತ್ರ್ಯಕೆ

ದೂಷಿಸುತ ಮಾನವನೀ ಅನ್ಯಾಯಕೆ....!!

ಬಂಧು-ಬಳಗವ ಹಕ್ಕಿ ಏಕೆ ಬಿಟ್ಟಿರಬೇಕು?

ಕದ ಮುರಿದು ಬಾನಾಡಿಯಾಗಿ ಹರ್ಷಿಸಬೇಕು....

ಸ್ವಾತಂತ್ರ್ಯವಿದ್ದವನ ಬಾಳೆಷ್ಟು ಸುಂದರ

ಸ್ವಾತಂತ್ರ್ಯವೇ ಸ್ವರ್ಗ ಎಂಬ ಮಾತೆಷ್ಟು ಮನೋಹರ....

****************************************              

             ಯುಗಾದಿ 

ಬಂದಿತು ಹೊಸ ವರ್ಷದ ಆದಿ

ಬಂದೇ ಬಿಟ್ಟಿತು ಯುಗಾದಿ

ಬಂದಿತು ಬೇವು-ಬೆಲ್ಲ ತಿನ್ನುವ ಸಮಯ

ಸುಖ-ದುಃಖಗಳು ಸಮನಾಗಿರಲಿ ಎನ್ನುವ ಆಶಯ...!

ಮಾಮರದಿ ಮಾವುಗಳು ಚಿಗುರುವ ಸಮಯ

ವೇದಿಕೆಯು ಕೋಗಿಲೆಗೆ ವಸಂತದ ಸಮಯ 

ತೊಳೆದು ಹೋಗಲಿ ಎಲ್ಲ ಮೈಮನದ ಕೊಳಕುಗಳು.....

ಚಿಗುರಲಿ ಮನದಲಿ ಹೊಸ ಯೋಚನೆಗಳು..!

ನಾಶವಾಗಲಿ ಎಲ್ಲ ರೋಗ-ರುಜಿನಗಳು

ಎಲ್ಲರಿಗೂ ಸಿದ್ಧಿಸಲಿ ಆರೋಗ್ಯ- ಐಶ್ವರ್ಯಗಳು..!

             ಸುಹಾನ್ ನಾಯಕ್

              7ನೇ ತರಗತಿ

              ಬಿ.ಎಂ.ಅ.ಹಿ.ಪ್ರಾ.

             ಶಾಲೆ, ಮೂರೂರು,

              ಹಿರ್ಗಾನ. ಕಾರ್ಕಳ ತಾಲೂಕು 

             ಉಡುಪಿ ಜಿಲ್ಲೆ