ಹೊಸ ವರುಷ - ಕವನ

 ಶ್ರಾವ್ಯ ಎನ್. ಭಟ್

 9ನೇ ತರಗತಿ

 ವಿಶ್ವಮಂಗಳ ಆಂಗ್ಲ ಮಾಧ್ಯಮ ಶಾಲೆ, 

 ಕೊಣಾಜೆ , ಮಂಗಳೂರು

ಹೊಸ ವರುಷ - ಕವನ

ಇದೋ ಬಂತು ಹೊಸ ವರುಷ;

ಎಲ್ಲೆಡೆ ತಂದಿತು ಹೊಸ ಹರುಷ.

2020ನ್ನು ಕೆಟ್ಟ ಕನಸೆಂದು ಭಾವಿಸು;

2021ರ ಅಮೃತವನ್ನು ಸೇವಿಸು.

ಕೊರೋನಾ ಬಂದು ಪಾಠವ ಕಲಿಸಿತು;

ನಮ್ಮ ಮನಸ್ಸಿನ ಕಸವ ಕಿತ್ತೆಸೆಯಿತು.

ಮರಳಿ ಬರಲಿ ಅಂದಿನ ಸಿಹಿ;

ಮರೆತು ಹೋಗಲಿ ಇಂದಿನ ಕಹಿ.

ನೀ ಮಾಡಿದ ಕರ್ಮವ ನೀನೇ ಅನುಭವಿಸು;

ವಿಧಿಯೇ ! ನಿನ್ನ ಆಟದ ಲೀಲೆಯ ತಿಳಿಸು.

ಸನ್ನಡತೆ, ಸನ್ಮಾರ್ಗದಲಿ, ಮುನ್ನಡೆಸು ನೀ;

ಕತ್ತಲಿನ ಮಬ್ಬಿನಿಂದ ಕೈ ಹಿಡಿದು ನಡೆಸು ನೀ.

ಭರವಸೆಯ ಸೇತುವೆಯ ನೀ ನಮಗೆ ಕಟ್ಟಿರಲು;

ಹೊಸ ಕನಸಿನ ಹೊಸ ಪೀಳಿಗೆಯ ಮಕ್ಕಳು ನಾವು ಜೊತೆಯಾಗಿರಲು, 

ಅಂಜಿಕೆ ಏಕೆ? ಸಂಶಯವೇಕೆ? ಧೃಡತೆ ಇರಲಿ ನಮ್ಮ ಗುರಿಯಲಿ;

ಸಾಗುವೆವು ಧೈರ್ಯದಿ, ಸ್ವಚ್ಛ ಹೊಂಗನಸುಗಳ ಹಾದಿಯಲಿ........

                      

                   ಶ್ರಾವ್ಯ ಎನ್. ಭಟ್