ಹೇ ಮೇಘವೇ - ಕವನ

ಶ್ರಾವ್ಯ 10 ನೇ ತರಗತಿ

ಸರಕಾರಿ ಪ್ರೌಢಶಾಲೆ ಮಂಚಿ ಕೊಳ್ನಾಡು

ಬಂಟ್ವಾಳ ತಾಲೂಕು

         ಹೇ ಮೇಘವೇ - ಕವನ

ಬಾನೆತ್ತರದಲಿ ಓಡಾಡುವ ಮೇಘ ದೂತನೇ 

ನಿನ್ನ ಕಂಡು ನಾ ನನ್ನೇ ಮರೆತೆನೆ !

ಅಲ್ಲಿ ಇಲ್ಲಿ ಅಲೆದಾಡುವ ಪಯಣ ನಿನ್ನದು

ನಿನ್ನ ನೋಡುತ ಕುಂತರೆ ಕಲ್ಪನೆಯ ಪಯಣ ನನ್ನದು ;

ಒಮ್ಮೆ ಸ್ಥಿರ ಬಂಡೆಯಂತೆ ನೀನು ,

ಇನ್ನು ಕೆಲವೊಮ್ಮೆ ಚಂಚಲತೆಯ ಪ್ರತೀಕ ನೀನು.

ಒಮ್ಮೆ ವಿಮಾನದಂತೆ ಕಂಡು

ಎತ್ತರ ಎತ್ತರಕೆ ಹಾರುವ ಕನಸನು ಚೆಲ್ಲುವೆ !

ಇನ್ನೊಂದೆಡೆ ಮೀನಾಗಿ ಕಂಡು

ನೀರಸವಾಗಿ ಈಜುವ ಆಸೆ ಮೂಡಿಸುವೆ !

ಪ್ರತಿ ನಿಮಿಷಕ್ಕೂ ಒಂದೊಂದು ಆಕಾರ 

ನೂರಾರು ಭಾವನೆ ಸೆರೆಯಾಗಿದೆ ನನ್ನಲ್ಲಿ ,

ನಿನ್ನ ನೋಡುತ ಅಲ್ಲಿ ಇಲ್ಲಿ .

ಹೇ ಮೇಘವೇ ಇದೆಷ್ಟು ಸಾರುವೆ ಸಂದೇಶ ;

ನೀನೊಂದು ಅಪರಿಮಿತ, ಅನಂತ ಮುಗಿಯದ ಕಥೆ............ 

                             ಶ್ರಾವ್ಯ 10 ನೇ ತರಗತಿ