ಕೋಗಿಲೆ - ಕವನ
Friday, December 25, 2020
Edit
ಬಿಂದುಶ್ರೀ 10 ನೇ ತರಗತಿ
ಕೋಗಿಲೆ - ಕವನ
ಓ... ಕೋಗಿಲೆ
ನಮಗಾಗಿ ಸುಮಧುರ ಹಾಡೊಂದ ಹಾಡೆಲೇ...
ನೀ ನಮ್ಮ ಹತ್ತಿರ ಸುಳಿಯಲಾರೆ
ನಿನ್ನ ಧ್ವನಿಯ ನಾ ಆಲಿಸದಿರಲಾರೆ..
ನೀನೊಮ್ಮೆ ಸುಮಧುರ ಕಂಠದಿಂದ ಹಾಡು
ನಮಗೆ ಅರ್ಥೈಸು ನಿನ್ನೀ ಜೀವನದ ಪಾಡು !
ಹಾಡಿದರೆ ನೀನೊಮ್ಮೆ ಇಂಪಾಗಿ
ಆಲಿಸುವೆವು ನಾವು ತನ್ಮಯರಾಗಿ...
ನಿನ್ನ ಸಂಗೀತಕ್ಕೆ ಮನ ಕರಗಿ
ಪ್ರಕೃತಿಯೇ ತಲೆಬಾಗುವುದು
ನಿನ್ನ ಸಂಗೀತಸುಧೆಗೆ ಶರಣಾಗಿ !
ಸಪ್ತ ಸ್ವರಗಳು ನಿನ್ನಾದನಿಯಲ್ಲಿ ಮೂಡಿ
ನೀ ಮಾಡಿದೆ ಎಲ್ಲರ ಮನದಲ್ಲಿ ಮೋಡಿ !
ನಿನ್ನ ಬಣ್ಣ ಒಂಥರಾ ಕಪ್ಪು
ಅದ್ಭುತ ನಿನ್ನ ಸಂಗೀತದ ಕಂಪು !!
ನೀನೊಮ್ಮೆ ಹಾಡು.... ನಿತ್ಯ ಹಾಡು
ಹಾಡದಿದ್ದರೆ ಹುಡುಕಿ ಬರುವೆ ನಿನ್ನ ಜಾಡು....!
ಬಿಂದುಶ್ರೀ
10 ನೇ ತರಗತಿ
ಕರ್ನಾಟಕ ಪಬ್ಲಿಕ್ ಸ್ಕೂಲ್ ಕನ್ಯಾನ
ಬಂಟ್ವಾಳ