ಮಕ್ಕಳಿಗೆ ರಜೆಯ ಓದು : ಸಂಚಿಕೆ - 14
Saturday, September 13, 2025
Edit
ಸಂಚಿಕೆ - 14
ಓದು ಬರಹ : ಕೆ ಪಿ ಅಶ್ವಿನ್ ರಾವ್
ಪದವಿನಂಗಡಿ, ಬೊಂದೇಲ್
ಮಂಗಳೂರು, ದಕ್ಷಿಣಕನ್ನಡ ಜಿಲ್ಲೆ
ಮೊ : +91 94482 53815
ಪುಟ್ಟದಾದ ನೀಲಿ ಲಾರಿಯ ಕಥೆ ಎಲ್ಲಾ ಮಕ್ಕಳಿಗೆ ರುಚಿಸುವಂತದ್ದು. ಈ ನೀಲಿ ಲಾರಿ ಎಲ್ಲರಿಗೂ ಸಹಾಯ ಮಾಡುವಂತಹ ಗುಣವನ್ನು ಹೊಂದಿತ್ತು. ಒಂದು ರೀತಿಯಲ್ಲಿ ಪರೋಪಕಾರಿ ಮನೋಭಾವ. ಅದು ಹೆಚ್ಚಾಗಿ ಕಾಡಿನ ಮಾರ್ಗವಾಗಿ ಹೋಗುತ್ತಿದ್ದ ಕಾರಣ ಆ ಕಾಡಿನಲ್ಲಿದ್ದ ವಿವಿಧ ಪ್ರಾಣಿ, ಪಕ್ಷಿಗಳ ಗೆಳೆತನವನ್ನು ಹೊಂದಿತ್ತು. ಇದನ್ನು ಕಂಡ ದೊಡ್ಡ ಲಾರಿಯೊಂದಕ್ಕೆ ಹೊಟ್ಟೆ ಉರಿ ಪ್ರಾರಂಭವಾಗಿತ್ತು. ಒಮ್ಮೆ ನೀಲಿ ಲಾರಿ ಆ ದೊಡ್ಡ ಲಾರಿ ಬಳಿ ಸಹಾಯ ಕೇಳಿದಾಗ ಅದು ನಿರಾಕರಿಸಿತ್ತು. ಅದಾದ ಕೆಲವೇ ದಿನಗಳಲ್ಲಿ ಆ ದೊಡ್ಡ ಲಾರಿಯು ಕಾಡಿನಲ್ಲಿದ್ದ ಕೆಸರಿನ ಹೊಂಡದಲ್ಲಿ ಸಿಕ್ಕಿ ಬಿದ್ದು ಒದ್ದಾಡುತ್ತಿತ್ತು. ಅದನ್ನು ಕಂಡ ನೀಲಿ ಲಾರಿಯು ತನ್ನ ಕಾಡಿನ ಗೆಳೆಯರಾದ ಪ್ರಾಣಿಗಳ ಸಹಾಯದಿಂದ ಹೊರಗೆ ತರುವಲ್ಲಿ ಸಮರ್ಥವಾಗಿತ್ತು. ಈ ಸಹಾಯವನ್ನು ನೋಡಿದ ದೊಡ್ಡ ಲಾರಿ ನಾಚಿಕೆಯಿಂದ ತಲೆ ತಗ್ಗಿಸಿತ್ತು. ಪರಸ್ಪರ ಸಹಕಾರವೇ ಬದುಕಿನಲ್ಲಿ ಅತ್ಯಂತ ಉತ್ತಮ ಗುಣ ಎಂದು ಅದಕ್ಕೆ ಅರ್ಥವಾಗಿತ್ತು.
ಈ ಪುಟ್ಟ ನೀಲಿ ಲಾರಿಯ ಕಥೆಯು ಮಕ್ಕಳಲ್ಲಿ ಪ್ರಾಮಾಣಿಕತೆ, ಸಹಾಯ, ಕರುಣೆ, ಗೆಳೆತನ ಮುಂತಾದ ಉದಾತ್ತ ಗುಣಗಳನ್ನು ಬೆಳೆಸುವಲ್ಲಿ ದೊಡ್ಡ ಪಾತ್ರವಹಿಸುತ್ತದೆ. ಈ ಪುಸ್ತಕವನ್ನು ನಿಮ್ಮ ಮಕ್ಕಳ ಓದಿನ ಚೀಲಕ್ಕೆ ಸೇರಿಸಬಹುದಾಗಿದೆ.
ಮಕ್ಕಳು ಓದಬಹುದಾದ ಇನ್ನಷ್ಟು ಪುಸ್ತಕಗಳು: ಟು ಕಿಲ್ ಎ ಮೋಕಿಂಗ್ ಬರ್ಡ್ (To Kill A Mockingbird) ಹಾರ್ಪರ್ ಲೀ ಎಂಬಾತ ಬರೆದು ೧೯೬೦ರಲ್ಲಿ ಪ್ರಕಾಶಿತವಾದ ಪುಸ್ತಕವೇ ಟು ಕಿಲ್ ಎ ಮೋಕಿಂಗ್ ಬರ್ಡ್. ಈ ಕಾದಂಬರಿಯ ಕಥೆಯು ಲೇಖಕರಾದ ಹಾರ್ಪರ್ ಲೀ ಅವರ ಜೀವನದ ಕೆಲವು ಘಟನೆಗಳನ್ನೇ ಅವಲಂಬಿಸಿದೆ. ಅವರು ಅಲಬಾಮಾ ನಗರದಲ್ಲಿ ತಮ್ಮ ಜೀವನವನ್ನು ಕಳೆಯುತ್ತಿದ್ದಾಗ ನಡೆದ ಘಟನಾವಳಿಗಳ ಚಿತ್ರಣ ಈ ಕಾದಂಬರಿಯಲ್ಲಿ ಲಭಿಸುತ್ತದೆ. ಈ ಕಾದಂಬರಿಯು ನಂತರದ ದಿನಗಳಲ್ಲಿ ಚಲನ ಚಿತ್ರ ರೂಪದಲ್ಲೂ ಹೊರಬಂದಿತ್ತು.
ಮಕ್ಕಳು ಓದಬಹುದಾಗ ಮತ್ತೊಂದು ಪುಸ್ತಕವೆಂದರೆ ‘ದಿ ಗಿವರ್’ (The Giver). ೧೯೯೩ರಲ್ಲಿ ಬರೆಯಲಾದ ಈ ಕಾದಂಬರಿಯ ಲೇಖಕರು ಲೂಯಿಸ್ ಲೌರಿ. ಇದು ಜೊನಾಸ್ ಎಂಬ ೧೨ ವರ್ಷದ ಹುಡುಗನ ಜೀವನದ ಕಥೆ. ಈ ಹುಡುಗನ ಕಷ್ಟದ ಜೀವನದ ಚಿತ್ರಣ ಇದರಲ್ಲಿದೆ.
(ಇನ್ನಷ್ಟು ಪುಸ್ತಕಗಳ ಪರಿಚಯ ಮುಂದಿನ ವಾರ)
ಚಿತ್ರ ಕೃಪೆ: ಅಂತರ್ಜಾಲ ತಾಣ
ಪದವಿನಂಗಡಿ, ಬೊಂದೇಲ್
ಮಂಗಳೂರು, ದಕ್ಷಿಣಕನ್ನಡ ಜಿಲ್ಲೆ
ಮೊ : +91 94482 53815
******************************************
