ಜಗಲಿಯ ಸಾಧಕರ ಪರಿಚಯ : ಸಂಚಿಕೆ - 1
Thursday, May 11, 2023
Edit
ಮಕ್ಕಳ ಜಗಲಿ ಇದೊಂದು ಉತ್ತಮವಾದ ಅವಕಾಶವಾಗಿದೆ. ಮಕ್ಕಳ ಅಚ್ಚುಮೆಚ್ಚಿನ ವೇದಿಕೆಯಾಗಿದೆ. ನನಗೆ ಈ ಮಕ್ಕಳ ಜಗಲಿಯಿಂದ ತುಂಬಾ ಉಪಯೋಗವಾಗಿದೆ. ಕೊರೊನಾ ಕಾಲದಲ್ಲಿ ನಾನು ಸಣ್ಣಪುಟ್ಟ ಚುಟುಕುಗಳನ್ನು ಬರೆಯುತ್ತಿದ್ದೆ. ನಂತರ ಪೋಷಕರ ಹಾಗೂ ಶಾಲಾ ಶಿಕ್ಷಕರ ಸಹಾಯದಿಂದ ಹಾಗೂ ಪ್ರೋತ್ಸಾಹದಿಂದ ಕವನಗಳನ್ನು ಬರೆಯಲು ಪ್ರಾರಂಭಿಸಿದೆ. ಮಕ್ಕಳ ಜಗಲಿಯಲ್ಲಿ ನಿರಂತರ ಸುಮಾರು 30- 40 ಕವನ ಬರೆದಿದ್ದೆ. ಅದರಲ್ಲೂ ನಮ್ಮ ಶಾಲಾ ಚಿತ್ರಕಲಾ ಶಿಕ್ಷಕರಾದ ತಾರಾನಾಥ್ ಸರ್ ಇವರು ಬಹಳ ಸಹಾಯ ಹಾಗೂ ಪ್ರೋತ್ಸಾಹವನ್ನು ನೀಡಿದ್ದಾರೆ. ಇದರ ಫಲವಾಗಿ ನಾನು ಬರೆದಿರುವ ಕವನಗಳ "ಮರವಾಗು" ಸಂಕಲನ ಪುಸ್ತಕವನ್ನು ಬಿಡುಗಡೆ ಮಾಡುವ ಭಾಗ್ಯ ದೊರಕಿತು. ಇದೊಂದು ನನ್ನ ಜೀವನದ ಒಂದು ಹೆಮ್ಮೆ ಪಡುವಂತಹ ಸಾಧನೆಯಾಗಿದೆ. ಈ ಪುಸ್ತಕವನ್ನು ತೆಗೆದು ಓದಿ ಬಹಳ ಖುಷಿಪಟ್ಟಿದ್ದಾರೆ. ಬಹಳ ಉತ್ತಮವಾಗಿ ಕವನಗಳು ಮೂಡಿಬಂದಿದೆ ಎಂದಿದ್ದಾರೆ. ಇನ್ನಷ್ಟು ಕವನಗಳು ಬಿಡುಗಡೆಯಾಗಲಿ ಎಂದು ಹಾರೈಸಿದ್ದಾರೆ.
ಎಲ್ಲರ ಜೀವನದಲ್ಲೂ ಹತ್ತನೇ ತರಗತಿಯ ಅಂಕ ಇದೊಂದು ಅತ್ಯುತ್ತಮವಾದ ಘಟ್ಟವಾಗಿದೆ. ನನಗೂ ಸಹ ಇದು ನನ್ನ ಜೀವನದ ಸಾಧನೆಯಾಗಿದೆ. ನನ್ನನ್ನು ಇಷ್ಟು ವರ್ಷ ತಿದ್ದಿ- ತೀಡಿ, ಬುದ್ದಿ ಹೇಳಿ ತಪ್ಪನ್ನು ಸರಿಪಡಿಸಿ ಕೆಲವೊಂದು ತಪ್ಪುಗಳನ್ನು ಕ್ಷಮಿಸಿದ ನನ್ನ ತಂದೆ ತಾಯಿಯವರೆಗೂ ಹಾಗೂ ನನ್ನೆಲ್ಲ ಗುರುಗಳಿಗೂ ಮತ್ತು ನನಗೆ ನಿರಂತರವಾಗಿ ಸಹಕರಿಸಿದ ಮಕ್ಕಳ ಜಗಲಿಯ ನಿಮಗೆಲ್ಲರಿಗೂ ನಾನು ಸದಾ ಚಿರಋಣಿಯಾಗಿರುತ್ತೇನೆ. ನಿಮ್ಮೆಲ್ಲರ ಆಶೀರ್ವಾದ ಸದಾ ನನ್ನ ಮೇಲಿರಲಿ ಎಂದು ಆಶಿಸುತ್ತಾ... ಧನ್ಯವಾದಗಳೊಂದಿಗೆ...
10ನೇ ತರಗತಿ
ಸರಕಾರಿ ಫ್ರೌಢಶಾಲೆ ಮಂಚಿ ಕೊಳ್ನಾಡು
ಬಂಟ್ವಾಳ ತಾಲೂಕು, ದಕ್ಷಿಣ ಕನ್ನಡ ಜಿಲ್ಲೆ
******************************************
ನನ್ನ ಮುಂದಿನ ಕನಸು ನಾನು ಕನ್ನಡ ಸಾಹಿತ್ಯದಲ್ಲಿ ಒಂದು ಸಾಧನೆ ಮಾಡಬೇಕೆಂದು ಆಶಿಸಿದ್ದೇನೆ. ಅದಕ್ಕೆ ಮಕ್ಕಳ ಜಗಲಿ ಒಂದು ಉತ್ತಮ ವೇದಿಕೆಯೆಂದು ನನಗನಿಸಿದೆ. ಈ ವೇದಿಕೆಯ ಸದುಪಯೋಗವನ್ನು ನಾನು ಪಡೆದುಕೊಳ್ಳುತ್ತೇನೆ. ಜೊತೆಗೆ ವಿದ್ಯಾಭ್ಯಾಸದಲ್ಲಿ ನಾನು ಜಿಲ್ಲಾಧಿಕಾರಿಯಾಗುವ ಕನಸು ಕಂಡಿದ್ದೇನೆ. ನಮ್ಮ ದೇಶ ಸೇವೆ ಮಾಡಬೇಕೆಂಬ ಮಹದಾಸೆಯನ್ನು ಹೊಂದಿದ್ದೇನೆ. ನಾನು ಒಬ್ಬ ಜಿಲ್ಲಾಧಿಕಾರಿಯಾಗಿ ಅತ್ಯುತ್ತಮ ರೀತಿಯಲ್ಲಿ ಕರ್ತವ್ಯ ನಿರ್ವಹಿಸಿ ಮಾದರಿ ದೇಶ ಕಟ್ಟುವ ಆಸೆ ಹೊಂದಿದ್ದೇನೆ. ಇದಕ್ಕಾಗಿ ನಾನು ಬಹಳ ಶ್ರಮಪಟ್ಟು ಪ್ರಾಮಾಣಿಕವಾಗಿ ಓದುತ್ತೇನೆ. ಜಿಲ್ಲಾಧಿಕಾರಿಯಾದ ನಂತರ ಪ್ರಾಮಾಣಿಕವಾಗಿದ್ದು, ಪ್ರಜಾಪ್ರಭುತ್ವದ ಪತಾಕೆಯನ್ನು ಮತ್ತಷ್ಟು ಎತ್ತರಕ್ಕೆ ಹಾರಿಸಬೇಕೆಂಬ ಆಸೆಯನ್ನು ಹೊಂದಿದ್ದೇನೆ. ನನಗೆ ನನ್ನ ಶಿಕ್ಷಕರ ಪ್ರೋತ್ಸಾಹವೇ ಇದಕ್ಕೆಲ್ಲ ಕಾರಣ, ನಾನು ಇಂತಹ ಗುರುಗಳು ಹಾಗೂ ಶಾಲೆಯನ್ನು ಪಡೆಯುವುದಕ್ಕೆ ನಿಜಕ್ಕೂ ಪುಣ್ಯ ಮಾಡಿದ್ದೇನೆ. ನಮ್ಮ ಶಿಕ್ಷಕರು ನನಗೆ ಹೇಳಿಕೊಟ್ಟ ಸಮಾಜ ನಿರ್ಮಾಣವನ್ನು ನಾನು ಮಾಡುತ್ತೇನೆ. ನನ್ನೆಲ್ಲ ಶಿಕ್ಷಕರು ಹೇಳಿಕೊಟ್ಟ ಮೌಲ್ಯಗಳನ್ನು ಅಳವಡಿಸಿಕೊಂಡು ಅವರ ಆಸೆಯನ್ನು ಈಡೇರಿಸುತ್ತೇನೆ. ನನ್ನ ತಂದೆ ತಾಯಿಯ ತ್ಯಾಗ ಪ್ರೀತಿಗೆ ಸಣ್ಣ ಉಡುಗೊರೆ ಕೊಡುತ್ತೇನೆ. ಹೀಗೆಯೇ ಎಲ್ಲಾ ವಿದ್ಯಾರ್ಥಿಗಳು ಸಹ ಶಿಕ್ಷಕರ, ತಂದೆ ತಾಯಿಯರ ಆಸೆಯ ಜೊತೆಗೆ ದೇಶ ಸೇವೆ ಮಾಡಬೇಕು ಎಂಬ ಗುರಿ ತಂದುಕೊಳ್ಳುವುದು ಅವಶ್ಯವಾಗಿದೆ..... ಧನ್ಯವಾದಗಳು.
10ನೇ ತರಗತಿ
ಸರ್ಕಾರಿ ಪ್ರೌಢ ಶಾಲೆ ತೋರಣಗಲ್ಲು.
ಸಂಡೂರು ತಾಲೂಕು, ಬಳ್ಳಾರಿ ಜಿಲ್ಲೆ
******************************************
ಎಲ್ಲರಿಗೂ ನಮಸ್ಕಾರಗಳು. ನಾನು ಪ್ರಣಮ್ಯ.ಜಿ. 2022-23 ನೇ ಸಾಲಿನ ಪಬ್ಲಿಕ್ ಪರೀಕ್ಷೆಗಳನ್ನು ಬರೆದು ಪೂರ್ಣಗೊಳಿಸಿರುವ ನಾನು 578 ಅಂಕಗಳನ್ನು ಪಡೆದು ವಿಶಿಷ್ಟ ಶ್ರೇಣಿಯನ್ನು ಗಳಿಸಿದ್ದೇನೆ. ಆದರೆ 600 ಕ್ಕಿಂತ ಅಧಿಕ ಅಂಕಗಳ ನಿರೀಕ್ಷೆಯಲ್ಲಿದ್ದ ನನಗೆ ನಿರಾಶೆಯಾಗಿರುವುದರಿಂದ ಮರು ಮೌಲ್ಯಮಾಪನಕ್ಕೆ ಅರ್ಜಿ ಸಲ್ಲಿಸಿದ್ದೇನೆ.
ನನ್ನ ಮುಂದಿನ ಪದವಿ ಪೂರ್ವ ವಿದ್ಯಾಭ್ಯಾಸವನ್ನು SDM ಕಾಲೇಜು ಉಜಿರೆಯಲ್ಲಿ ವಿಜ್ಞಾನ ವಿಭಾಗವನ್ನು ಆಯ್ದುಕೊಂಡು ಮುನ್ನೆಡೆಸುವ ಯೋಜನೆಯಲ್ಲಿ ನಾನಿದ್ದೇನೆ. ಈ ಸಂದರ್ಭದಲ್ಲಿ ನನ್ನ ವಿಧ್ಯಾಭ್ಯಾಸಕ್ಕೆ ಹಾಗೂ ನನ್ನ ಇತರ ಚಟುವಿಕೆಗಳಿಗಾಗಿ ಸಹಕರಿಸಿದ ನನ್ನ ಪೋಷಕರಿಗೆ ಮತ್ತು ನನ್ನ ಗುರುವೃಂದದವರೆಲ್ಲರಿಗೂ ಮನದಾಳದ ವಂದನೆಗಳನ್ನು ಸಲ್ಲಿಸಲು ಬಯಸುತ್ತೇನೆ.
ಮಕ್ಕಳ ಜಗಲಿಯೆಂಬ ಅದ್ಭುತವಾದ ವೇದಿಕೆ ನನಗೆ ನೀಡಿದ ಅವಕಾಶಗಳನ್ನು ಎಂದಿಗೂ ಮರೆಯಲು ಸಾಧ್ಯವಿಲ್ಲ. ಜಗಲಿಯಲ್ಲಿ ನಾನೂ ಒಬ್ಬಳು ಸದಸ್ಯೆ ಎಂಬುವುದೇ ನನಗೆ ಹೆಮ್ಮೆ. ಮುಂದಿನ ವಿದ್ಯಾಭ್ಯಾಸಕ್ಕಾಗಿ ವಸತಿ ನಿಲಯದಲ್ಲಿ ನಿಲ್ಲುವ ಯೋಚನೆಯಿದೆ. ಇದರಿಂದ ಜಗಲಿಯ ಬಳಗಕ್ಕೆ ದೂರವಾಗಬಹುದೇನೋ ಎಂಬ ಬೇಸರವೂ ಕಾಡುತ್ತಿದೆ. ಸಮಯ ಸಿಕ್ಕಾಗಲೆಲ್ಲಾ ಜಗಲಿಯೊಂದಿಗೆ ನನ್ನ ಕಲಾ ಚಟುವಟಿಕೆಗಳನ್ನು ಹಂಚಿಕೊಳ್ಳಲು ಪ್ರಯತ್ನಿಸುತ್ತೇನೆ. ಮಕ್ಕಳ ಜಗಲಿ ವಿಭಾಗದಲ್ಲಿರುವ ಎಲ್ಲರಿಗೂ ನನ್ನ ಧನ್ಯವಾದಗಳು. ವಂದನೆಗಳೊಂದಿಗೆ...............
10ನೇ ತರಗತಿ
ಸಂತ ಜಾರ್ಜ್ ಆಂಗ್ಲಮಾಧ್ಯಮ
ಪ್ರೌಢಶಾಲೆ , ನೆಲ್ಯಾಡಿ
ಕಡಬ ತಾಲೂಕು, ದಕ್ಷಿಣ ಕನ್ನಡ ಜಿಲ್ಲೆ
******************************************
10ನೇ ತರಗತಿ
ಸರಕಾರಿ ಫ್ರೌಢಶಾಲೆ ನಾರ್ಶ ಮೈದಾನ
ಬಂಟ್ವಾಳ ತಾಲೂಕು, ದಕ್ಷಿಣ ಕನ್ನಡ ಜಿಲ್ಲೆ
******************************************
